Notas de prensa do Concello de Ribadeo

Fin do blog

2008-12-02T22:39:00.000-08:00

Visto que parece que si que se van manter as novas na nova web do concello, a pesares de non ter son asociado, coido que o mellor é non competir con ela, polo que de pronto, este será o derradeiro apunte no blog.
Se en cousa de de dous ou tres meses a cousa segue a funcionar, rematarei cerrándoo.
Un saúdo e grazas a todos os que por aquí pasaron.

2081201 Suvencións do e ao concello

2008-12-01T08:46:00.000-08:00

NO CONCELLO ESTÁ ABERTO O PRAZO PARA A SOLICITUDE DE SUBVENCIÓNS NOMINATIVAS NOS ORZAMENTOS DE 2008.
Ribadeo, 1 de decembro de 2008. As entidades educativas, culturais, deportivas e as comisións de festas parroquiais teñen de prazo ata o día 15 de decembro para entregar a documentación esixida e optar a esas subvencións nominativas nos orzamentos de 2008.
Segundo informa a Concellaría de Cultura, as bases están expostas no taboleiro de anuncios que hai na entrada da Casa do Concello. O lugar de recollida de formularios e tamén de entrega da documentación será na oficina de Cultura.

FERNANDO SUÁREZ CONSIDERA QUE A SUBVENCIÓN DE 126.000 EUROS QUE O CONCELLO RECIBIRÁ DA DEPUTACIÓN SERVIRÁ PARA QUE AS ARCAS MUNICIPAIS QUEDEN UN POUCO MÁIS DESAFOGADAS.
Ribadeo, 1 de decembro de 2008. O alcalde de Ribadeo, Fernando Suárez, considera que a subvención de 126.000 euros que o Concello recibirá da Deputación Provincial de Lugo servirá para que as arcas municipais queden un pouco máis desafogadas. O rexedor asegura que o convenio asinado este mediodía coa Vicepresidencia 3ª "é un balón de osíxeno para o Concello de Ribadeo dado que a Deputación nos concede unha partida importante en materia de axudas ao mantemento de equipamentos de atención primaria e especializada de titularidade pública que repercuten na conciliación familiar. É dicir, os gastos que o Concello ten no centro de día, na vivenda comunitaria e no Hospital Asilo… estes gastos que sufraga o Concello desde sempre, agora e grazas a este convenio coa Vicepresidencia 3ª que dirixe Mª Xosé Vega Buxán, váinos repercutir positivamente para que dunha proposta de petición de 152.000 euros nos financien o 70%, é dicir uns 106.000 euros aos que hai que engadir outros 20.000 para actividades de ocio infantil. En total recibiremos da Deputación 126.000 euros".
Fernando Suárez sinala que "é algo que nunca ata o de agora fora así e van servir estes cartos para que o Concello de Ribadeo vaia quedar desafogado dunha parte importante destes recursos que empregaba para este fin e así se poida invertir noutro tipo de actividades ou no pago de débeda pendente cos proveedores".

20081126 Páxina web

2008-11-27T10:29:00.000-08:00

RIBADEO ESTREA PÁXINA WEB NA QUE OS CIDADÁNS ATOPARÁN INFORMACIÓN INSTITUCIONAL, DATOS SOBRE O TERRITORIO E SERÁ ADEMÁIS, EN PALABRAS DO ALCALDE, UNHA CANLE DIRECTA COS VECIÑOS.
Ribadeo, 26 de novembro de 2008. O salón de plenos acolleu esta mañá a presentación da nova páxina web do Concello de Ribadeo que segundo o alcalde, Fernando Suárez "era unha asignatura pendente que tiñamos desde hai moito tempo coas novas tecnoloxías. Levabamos xa unha serie de meses traballando na concepción desta nova páxina que é absolutamente diferente á que desde hai 10 ou 11 anos estaba colgada en internet".
O rexedor asegurou que "a páxina é substituida desde unha perspectiva de modernidade, de axuda á cidadanía e coa intención de crear unha ventá ao mundo desde Ribadeo a través do ciberespacio. Aproveitamos o financiamento a través do programa Cidadanía Dixital, grazas ás aportacións da Consellería de Innovación e Industria e do Ministerio de Industria que supoñen o 70% do custe total da páxina web que ascende a 12.000 euros". Fernando Suárez dixo que "perseguimos acadar un equilibrio, unha dualidade entre institución e oferta turística. Queremos lograr dous obxectivos: que sexa útil para a poboación e que serva coma carta de presentación para todos aqueles que ainda non coñecen Ribadeo ou que queren saber máis de nós. Así poderán acceder a toda esa información".
Novidades multimedia
A páxina web www.ribadeo.org está dividida en tres grandes partes, segundo explica o rexedor, "unha primeira parte institucional na que os cidadáns poderán descargar as actas dos plenos, das comisións informativas, das comisións de goberno… poderán descargar o son dos plenos en formato mp3, vánse poder facer trámites por internet, algo que ata o de agora non era posible. A segunda parte da páxina está adicada ao coñecemento do territorio e dos seus recursos. Poden atoparse datos de historia, patrimonio natural, xeografía, economía, turismo, rutas e unha serie de cuestións multimedia con descarga de diversos servizos que ofrecerán un sistema novo de información turística móvil que dentro de pouco presentaremos. E a terceira parte ten vocación de ser unha canle de comunicación directa coa cidadanía. Aí poderán atopar información das liñas de traballo e das políticas levadas adiante desde o goberno e desde a Corporación Municipal e onde lles daremos visibilidade ás asociacións e aos colectivos do Concello".
Tres idiomas
Suárez Barcia definía esta páxina web como innovadora "en canto a formato, en canto a logotipo do Concello. Preséntase en tres idiomas: galego e español para todos os contidos e tamén en inglés para os contidos estáticos da mesma. Seguramente lle quedarán algunhas erratas que iremos solventando ao longo dos vindeiros días e tamén queremos ser sensibles ás aportacións que os veciños nos poidan facer".

20081120 Observatorio astronómico

2008-11-26T12:30:00.000-08:00

A UNIVERSIDADE DE SANTIAGO DE COMPOSTELA ESTUDIARÁ A VINDEIRA SEMANA A PROGRAMACIÓN QUE LEVARÁ ADIANTE NO OBSERVATORIO ASTRONÓMICO DE RIBADEO.
Ribadeo, 20 de novembro de 2008. A Universidade de Santiago de Compostela estudiará a vindeira semana a programación que levará adiante no observatorio astronómico de Ribadeo, segundo ven de anunciar o concelleiro delegado de Medio Ambiente, Horacio Cupeiro. O edil nacionalista di que "onte mantiven unha conversa co director do observatorio astronómicoa Ramón Mª Aller da Universidade de Santiago e José Angel Docobo ofrecéuse a participar co Concello nunha programación sobre temas astronómicos. Segundo me dixo ao vicerrector da Universidade a idea parécelle interesante e a vindeira semana manterán un encontro para analizar esta posibilidade e as actividades a levar adiante". Horacio Cupeiro asegura que "no Concello parecéunos moi interesante a proposta dado que o 2009 foi declarado pola UNESCO coma Ano Internacional da Astronomía".
O responsable de Medio Ambiente sinala que "con estas actividades que consistirán en obradoiros para persoas maiores e para nenos o que tentaremos será potenciar a imaxe da Casa da Ría. Buscámoslle unha aplicación a pesares de todas as deficiencias que temos coa agua, pero consideramos que desde o punto de visto astronómico non haberá inconvintes xa que non é alí no observatorio onde temos problemas senón que é na aula de interpretación onde se rexistran esas filtracións de auga cando chove. No resto do edificio non hai problemas".

20081124 Servizo de podoloxía

2008-11-26T09:32:00.000-08:00

O CONCELLO PON EN MARCHA DE XEITO EXPERIMENTAL UN SERVIZO DE PODOLOXÍA A DOMICILIO PARA PERSOAS MAIORES DEPENDENTES.
Ribadeo, 24 de novembro de 2008. O Concello de Ribadeo pon en marcha de xeito experimental un servizo de podoloxía a domicilio para persoas maiores dependentes "coa intención de atender as doenzas tan propias desas idades", segundo explica o alcalde, Fernando Suárez. A partires de hoxe "informamos aos potenciais usuarios que si alguén desexa contar con este servizo só ten que dirixirse aos Servizos Sociais do noso Concello ubicados no Auditorio Municiapal ou chamando por teléfono ao 982 120 808" engade o rexedor. Suárez Barcia di que "esta primeira remesa de posibles usuarios deste servizo innovador e pioneiro na zona faráse de xeito totalmente gratuito e despois dependerá do número de demandantes. O que tentaremos será facela unha ou dous veces ao ano". Pola súa banda o responsable dos Servizos Sociais, José Luis Gegunde, lembra que "se trata dun servizo que non é barato, ainda que nós este ano imos facer un esforzo económico para prestalo de xeito gratuito. Chegaremos a un número importante de domicilios porque fixemos un primeiro sondeo entre os usuarios da axuda no fogar e están todos encantados con esta posibilidade".
O Concello tamén organizará un curso de formación para coidadores de persoas maiores dependentes, segundo anunciaba tamén nesta xornada o alcalde, Fernando Suárez que dixo que "está destiñado a todos aqueles que cuidan nos seus domicilios dos seus pais, dos seus ascendentes e que se atopan con dificultades á hora de poder movelos. Será un fisioterapeuta o que dará pautas de cómo se debe tratar e mover a esta xente maior. Eso tamén está un pouco a expensas do nº de demandantes que poida ter. Tamén neste caso os interesados deben poñerse en contacto cos nosos Servizos Sociais".
José Luis Gegunde sinala que "eses familiares non nos contan directamente as dificultades coas que se atopan senón que lles escoita dicir que teñen problemas para mover a estas persoas dependentes, para bañalas… víamos claramente que demandaban algo neste sentido. Esas pautas que recibirán implicarán máis comodidade para os coidadores e máis benestar para os dependentes".

Ribadeo: un referente
Fernando Suárez engade que "Ribadeo é un referente desde hai tempo na prestación de servizos sociais. Uns foron ampliándose ou mellorándose desde que chegamos ao Concello e outros foron creándose neste ano e medio. Por exemplo en axuda a domicilio contamos con 10 profesionais que duplican ás que estaban prestando o servizo hai dezaoito meses, o que implica un incremento no número de domicilios atendidos e que ronda na actualidade os 90". En Ribadeo hai ademáis 200 persoas que disfrutan do servizo de teleasistencia domiciliaria; as prazas do centro de día que xestionan a Xunta e o Concello están prácticamente cubertas a hai 40 usuarios que empregan o servizo de Xantar sobre rodas que comenzou a funcionar hai uns meses. O rexedor lembra que "hai uns días aprobamos un regulamento de réxime interno para o Hospital Asilo que mellorará a xestión e o servizo que se presta aos residentes nesas instalacións".

20081125 aparcadoiro subterráneo

2008-11-25T22:33:00.000-08:00

O ALCALDE ACATA PERO NON COMPARTE A DECISIÓN DE PATRIMONIO DE REXEITAR O PROXECTO PARA CREAR UN APARCADOIRO SOTERRADO EN RIBADEO.
Ribadeo, 25 de novembro de 2008. O alcalde de Ribadeo, Fernando Suárez, referíuse esta tarde á comunicación de Patrimonio na que se desestima o recurso de alzada presentado polo Concello para a construcción dun aparcadoiro soterrado. O rexedor di que "Patrimonio entende que non debe entrar no fondo da autorización en tanto Ribadeo non se dote dun instrumento de planificación urbanística do casco vello, como é un PEPRI".
Suárez Barcia sinala que "eu como alcalde e goberno municipal acato esta desestimación dese recurso ainda que non a comparto, porque me chama a atención que Patrimonio non tivera tantos remilgos en aprobar ou considerar válido darlle luz verde ao mirador da Atalaia porque eso tamén constitúe un incremento de volumen". O alcalde engade que "en todo caso este aparcadoiro soterrado entendíamos que tampouco tiña ningún problema tendo un arqueólogo que puidera supervisar a execución das obra. De todos os xeitos todo o que se faga no casco vello desde anos depende do informe favorable de Patrimonio e pouco podemos facer, máis que aplicarnos o conto e aprobar entre todos un PEPRI canto antes. Para eso é fundamental que a Consellería de Política Territorial nos financie a redacción dese documento, que senón me equivoco dentro de moi poucos días poderei ofrecer noticias positivas a este respecto".

20081114 Camión incendios

2008-11-15T06:28:00.000-08:00

RIBADEO RECIBIU HOXE O SEU NOVO CAMIÓN PARA A EXTINCIÓN DE INCENDIOS QUE SUPUXO UN INVESTIMENTO DE 180.000 EUROS.
Ribadeo, 14 de novembro de 2008. Ribadeo recibiu hoxe o seu novo camión para a extinción de incendios nun acto no que se deron cita a directora xeral de Protección Civil, Esther González; o delegado provincial de Medio Rural, Emilio López; o delegado provincial de Presidencia, Luis Rodríguez Edrosa e o alcalde, Fernando Suárez.
O rexedor asegura que "este camión que é un híbrido servirá non só para os posibles continxentes no ámbito urbano senón tamén para os núcleos rurais do concello. Estou orgulloso deste vehículo que é un dos mellores do país e desde logo da comarca atrévome a dicir que é do mellor que pode haber". Fernando Suárez engade que "a cisterna ten capacidade para 4.000 litros de auga, é un camión potente, moderno, ten unha presión enorme para lanzar a auga e vai servir non só para as continxencias de aquí senón tamén para limpar tuberías e tajeas que cando choven se atascan… vai ser moi operativo e substituirá a un que tiña o Concello desde hai moitos anos cunha fiabilidade escasa e con problemas como nos ten dado non hai moito tempo cando se parou ao chegar a un incendio e tivemos que botar man do outro camión máis pequeno que temos que tamén é novo pero que ten unha capacidade limitada".
Entidade sobrada
O alcalde de Ribadeo di que este novo camión "vai ofrecer seguridade aos veciños e veciñas deste concello ainda que como digo moitas veces, Ribadeo non vai ser alleo ao parque comarcal de bombeiros de Barreiros cando esteña listo, porque descoñezo cando vai ser. Ribadeo formará parte dese parque e beneficiarase dos recursos que alí teñan, pero Ribadeo ten entidade sobrada, ten 10.000 habitantes e está nunha extremeira e polo tanto debe seguir tendo vehículos propios que sexan atendidos polo GRUMIR ou en todo caso polos conductores municipais sin perxuizo de que esteamos no parque de bombeiros".
Fernando Suárez agradeceu o esforzo inversor realizado pola Xunta neste camión que supón un custe de 180.000 euros "dos que 110.000 son aportados pola Dirección Xeral de Protección Civil e 40.000 por Medio Rural. Os 30.000 restantes son aportados polo Concello con fondos propios. Será un vehículo que quedará a disposición de Ribadeo e dos concellos colindantes en circunstancias de emerxencia que así o requiran".

20081114 Viaxe a Allariz

2008-11-15T06:21:00.000-08:00

O CIM ORGANIZA UNHA VIAXE A ALLARIZ OS DÍAS 29 E 30 DE NOVEMBRO QUE INCLÚE UNHA VISITA ÁS TERMAS DA CHABASQUEIRA EN OURENSE.
Ribadeo, 14 de novembro de 2008. O Centro de Información á Muller de Ribadeo organiza unha viaxe a Allariz os días 29 e 30 de novembro que inclúe unha visita ás termas da Chabasqueira en Ourense, segundo anunciou hoxe a concelleira da Muller, Mariluz Álvarez Lastra. A edil nacionalista informa que "o prazo de preinscripción para apuntarse será do 20 ao 26 de novembro de oito e media da mañá a tres da tarde nos locais do CIM ou chamando por teléfono ao 982 120 739". En total ofértanse 50 prazas "das que o 60% se destiñan aos veciños da vila de Ribadeo e o 40% para os do medio rural, o cal non quere dicir que si despois hai prazas que non se ocupan duns ou doutros que non poida haber un trasvase de persoas. O prezo da viaxe, que inclúe a estancia, as comidas e as entradas aos centros que alí visitemos é de 60 euros que haberá que pagar no momento de inscribirse", engade Álvarez Lastra.
Ribadeo Muller
Desta actividade informa tamén o 5º boletín Ribadeo Muller que estes días se está a repartir entre as mulleres do municipio. Neste número, segundo conta a concelleira da Muller, "adícase un artículo ao deporte feminino no que se fala do fútbol sala, do atletismo… trátase dunha posta en valor dos deportes nos que participan as mulleres do noso concello. Seguimos con seccións permanentes coma a asesoría xurídica que nesta ocasión se ocupa do fondo de garantía do pagamento dos alimentos. Tamén se da información sobre os bonos de axuda para a asistencia ás ludotecas con detalles de cómo teñen que facer as interesadas, das persoas que poden adquirilos". Mariluz Álvarez Lastra di que "este boletín informativo recolle tanto as temáticas sociais nas que traballa o Concello de Ribadeo coma as actividades realizadas nos últimos meses e as previstas para os vindeiros días, coma esta viaxe a Allariz".

20081113 Taxas+ urbanismo

2008-11-14T11:43:00.000-08:00

O EQUIPO DE GOBERNO PROPORÁ NO PLENO DA VINDEIRA SEMANA APLICÁRLLELA ACTUALIZACIÓN DO IPC ÁS TAXAS MUNICIPAIS PARA 2009.
Ribadeo, 13 de novembro de 2009. Na comisión informativa de facenda e contas prevista para esta tarde no Concello de Ribadeo veráse a modificación das ordenanzas fiscais para 2009. Segundo anuncia, o edil Vicente Castro, "ás taxas váiselles aplicar a actualización do IPC interanual. Entendemos que dada a situación económica do Concello é un exercizo de responsabilidade manter das taxas actualizadas para evitar que ocorra o que pasou en exercizos anteriores cando houbo que facer algunhas subidas drásticas nalgúns servizo">.
Castro engade que "ainda que algunha das taxas e dos servizos que se prestan tiñan que subir por enriba do IPC desde o goberno municipal entendemos que a situación económica actual é difícil e polo tanto decidimos proponer exclusivamente a actualización do IPC".
Na comisión de facenda tamén se analizará esta tarde a conta xeral do exercizo de 2007; o regulamento de réxime interior do Hospital Asilo e a ordenanza de aproveitamento especial do dominio público local en favor das empresas explotadoras de servizos de suministros de interés xeral.
Urbanismo e asuntos xerais
Por outra banda, na comisión informativa de urbanismo e obras veráse a aprobación definitiva do expediente de expropiación de terreos para o aparcadoiro de Os Castros-Illas na Devesa e a proposta ao pleno do Concello sobre o acceso ao centro urbano de Ribadeo desde a A-8, entre outros temas. E na comisión informativa de asuntos e servizos xerais váise analizar a homenaxe a Leopoldo Calvo-Sotelo no cabodano do seu pasamento, o acordó de incorporación á asociación Villas Marineras e a adhesión á Carta Europea para a igualdade entre mulleres e homes na vida local segundo a proposta do Consello de Municipios e Rexións de Europa e a FEMP.

2008111 Barredora

2008-11-14T11:39:00.000-08:00

HORACIO CUPEIRO ASEGURA QUE A BARREDORA DE RIBADEO ESTARÁ ARRANXADA E LIMPANDO AS RÚAS DE NOVO, EN BREVE.
Ribadeo, 12 de novembro de 2008. A delegación de Medio Ambiente do Concello de Ribadeo está á espera de recibir as pezas necesarias para arranxar a barredora que se atopa avariada desde o pasado sábado. Segundo explica Horacio Cupeiro "ese día o traballador que ía coa barredora sofría un desvanecemento e o vehículo chocaba contra un camión que estaba aparcado na rúa".
O edil nacionalista engade que "a barredora ten pequenos desperfectos coma a rotura do parabrisas, os cristais da parte de atrás do habitáculo destiñado ao conductor e tamén na caixa onde van asentados os rodillos". Horacio Cupeiro asegura que "a barredora está en proceso de reparación e está parada por este motivo, por eso lles pido comprensión aos veciños de Ribadeo. Estamos á espera de recibir as pezas necesarias para que poida voltar a traballar con normalidade".

20081112 Contabilidade

2008-11-14T11:33:00.000-08:00

A CONTA XERAL DE 2007 PECHÓUSE CUN SALDO NEGATIVO DE 193.000 EUROS, SEGUNDO OS DATOS FACILITADOS POLO CONCELLEIRO DE ECONOMÍA E FACENDA. UNHA CIFRA QUE MELLORA SUSTANCIALMENTE A DO 2006 CANDO ESE SALDO NEGATIVO CHEGOU AOS 411.000 EUROS.
Ribadeo, 12 de novembro de 2008. No pleno da vindeira semana no Concello de Ribadeo someteráse a aprobación a conta xeral do exercizo de 2007 "a primeira do actual equipo de goberno desde que chegou ao Concello", segundo puntualiza o concelleiro de Economía e Facenda, Vicente Castro. O resultado antes de axustes é de 32.000 euros en positivo e despois dos axustes e desviacións correspondentes da un saldo negativo de 193.000 euros. Castro di que "si comparamos estes datos cos do exercizo de 2006, esa conta antes de axustes presentaba un saldo de menos 374.000 euros e despois de axustes de menos 411.000 euros".
O edil nacionalista explica que "as desviacións negativas son os gastos realizados e non cobrados durante o exercizo en cuestión e as desviacións positivas son os gastos cobrados e non gastados no exercizo en curso. Entón aplicadas estas desviacións a conta de 2007 arroxa un saldo negativo de 193.000 euros, e esto ven dado por algunha partida que chegou a finais de ano de desviación positiva como é o caso do PDT complementario polo que se ingresaron 250.000 euros antes de rematado o ano e non se executou nada no 2007, senón que se está a executar neste ano e no vindeiro".
Cambio de tendencia
Vicente Castro considera que "o resultado da conta ainda que non sexa unha grande mellora supón un cambio de tendencia e sobre todo tendo en conta o pouco período de tempo no que se puido incidir nela no exercizo pasado e que contamos seguir mellorando nos exercizos seguintes".
O responsable de Economía e Facenda engade que "o resultado do remanente negativo acumulado de 2007 supón 656.000 euros fronte aos 668.000 do exercizo de 2006. Tampouco este dato supón unha grande mellora, pero sí se da unha variación en positivo. Hai que ter en conta que neste resultado do remanente negativo inflúe o mesmo que dicía antes… as desviacións positivas de gasto cobrado e non realizado que é o referente ao PDT complementario. Sin él o resultado do remanente negativo quedaría en 400.000 euros e melloraría sustancialmente a conta con respecto ao ano anterior".
Vicente Castro cre que "esa é a tendencia que temos que seguir levando adiante desde a delegación de Facenda mellorando ano tras ano. Temos que buscar o equilibrio financiero entre ingresos e gastos para poder facer fronte, por exemplo, aos pagos a proveedores cunha periodicidade máis curta que na actualidade. Esa é a tendencia e a liña que levaremos adiante nos vindeiros anos".

20081111 Asilo e telefonía móbil

2008-11-11T13:05:00.000-08:00

O CONCELLO PORÁ EN MARCHA UN REGULAMENTO INTERIOR DO HOSPITAL ASILO QUE LLE PERMITIRÁ ACCEDER A AXUDAS DA XUNTA PARA MELLORAR A SÚA SITUACIÓN ECONÓMICA.
Ribadeo, 11 de novembro de 2008. No vindeiro pleno do Concello someteráse a aprobación inicial o regulamento de réxime interior do Hospital Asilo, prezo público e modelo de contrato de servizo de ditas instalacións. O rexedor, Fernando Suárez, asegura que se trata "de regularizar unha situación que ao longo do tempo non estivo ben regulada e a día de hoxe esta entidade benéfica xestionada por unha congregación relixiosa ten máis gastos que ingresos e trátase de que este déficit que se vai incrementando ano tras ano non poña en perigo o servizo".
O alcalde sinala que "pretendemos que o Asilo teña unha autonomía financieira para seguir prestando o servizo e en todo caso mellorando o servizo que debe prestar. Queremos crear un regulamento de dereitos e de obrigas dos usuarios que non existía ata o de agora; queremos regulalo a través dun contrato de servizos que tampoco existía e con esta regulación o Hospital Asilo podería pedir subvencións á Xunta, en concreto a Vicepresidencia xa que ata o de agora non era posible, e os usuarios tamén poderían ser obxecto desas axudas".
Ordenanza telefonía móvil
Na vindeira sesión plenaria tamén se verá a denominada ordenanza de aproveitamento especial do dominio público local a favor de empresas explotadoras de servizos de suministros de interés xeral. Fernando Suárez asegura que "pretendemos que as compañías de telefonía móvil que están a operar no noso territorio paguen por elo. Non é xusto… moitas das chamadas son de móvil a móvil, pero tamén hai moitas de móvil a fixo, polo tanto para chamar de móvil a fixo estáse a utilizar o subsolo por onde pasan as redes de comunicación e a día de hoxe as empresas que operan con telefonía fixa sí que pagan aos Concellos por esta ocupación do subsolo municipal. As empresas de telefonía móvil tamén empregan o subsolo para operar de móvil a fixo e é polo que creamos esta ordenanza coa que pretendemos gravar dunha maneira simbólica primeiro e para que non sexa inxusto que as de fixa paguen e as de móvil non".
O alcalde ribadense di que "unha serie de Concellos hai un tempo en Cataluña iniciaron este modo de gravar mediante estas ordenanzas que foi recurrido por varias operadoras, pero houbo unha serie de sentencias dándolle a razón ao Concello de que se axustaban a dereito este tipo de normativas. Hai algún Concello na nosa comunidade autónoma que o está a levar adiante e nós por suposto tamén porque nos parece do máis progresista facer esto". Fernando Suárez conta "con que a ordenanza vaia para adiante. Non se trata de ir contra os usuarios senón de que paguen as empresas polo aproveitamento do subsolo que noutro tipo de servizos xa o están pagando agora".

20081111 Chabola e piso

2008-11-11T13:02:00.000-08:00

O CONCELLO DE RIBADEO COMPRARÁ UN PISO COA AXUDA DA CONSELLERÍA DE VIVENDA PARA ERRADICAR A ÚLTIMA CHABOLA QUE QUEDA NA VILA.
Ribadeo, 11 de novembro de 2008. O alcalde de Ribadeo, Fernando Suárez, lembra que "en Ribadeo existe un único caso de chabolismo dunha familia xitana que se erradicará si prospera esta iniciativa". O Concello adquirirá un piso por 100.000 euros "acolléndose a unha partida importante que ten a Consellería de Vivenda para erradicar o chabolismo á que non quixemos ser alleos. Vivenda aportará 80.000 euros a fondo perdido que o Concello terá que suplementar con outros 20.000 euros pero en réximen de aluguer, de tal maneira que unha vez adquirida esa vivenda si esa familia se integra e os informes dos Servizos Sociais así o demostran tería que pagar durante un período duns dous anos un aluguer pola ocupación da vivenda e transcurrido ese prazo teríalle que devolver os 20.000 euros que o Concello lle anticipou. Senón é así deberán abandoar a vivenda>.
O rexedor engade que "se trata dunha práctica que existe noutras comunidades autónomas e que tamén se fixo noutros concellos do país e que agora así queremos dar carpetazo e eliminar a última chabola que existe en Ribadeo. Si esto vai para adiante e si hai ofertas coma temos publicitado no Diario Oficial de Galicia para adquirir esta vivenda cunha aportación do 80% por parte de Vivenda e do 20% como anticipo do Concello que despois terános que ser reintegrado pola propia familia, pois no momento do cambio de vivenda procederemos a demoler a chabola existente".

20081106 demolición de vivenda

2008-11-06T11:24:00.000-08:00

FERNANDO SUÁREZ ORDENOU DEMOLER PARTE DA VIVENDA QUE SE CAEU HAI UNS DÍAS NA RÚA ANTONIO OTERO PARA EVITAR QUE POIDA SUPOÑER UN PROBLEMA DE SEGURIDADE PÚBLICA.
Ribadeo, 6 de novembro de 2008. O alcalde de Ribadeo, Fernando Suárez, asegura que "días despois de que esta vivenda da rúa Antonio Otero, parte dela, se viñera abaixo e despois de averiguar a propiedade do inmoble que resultou ser da propia moradora que habitaba nel ainda que nunhas circunstancias moi pouco axeitadas… eu como alcalde, e en uso da lexislación que nos ampara para adoptar as medidas pertinentes en materia de seguridade pública para evitar males maiores, din instruccións hoxe para que baixo a supervisión dos técnicos municipais se proceda a demoler parte dese inmoble". O rexedor di que se trata "da cuberta que quedou en pé e parte da parede medianeira e da fachada para non se vaia caer con este tempo que temos e vaia estropear as vivendas que ten ao lado. Unha delas, a da parte de abaixo, é propiedade da Xunta que está en fase de licitación para rehabilitar e a da parte de arriba é unha vivenda perfectamente rehabilitada desde hai poucos meses e os seus propietarios non teñen porque estar preocupados".
Fernando Suárez engade que "agora nestes días faremos as operacións pertinentes que os técnicos determinen de cara a estabilizar esta situación e logo o Concello terá que resarcirse destes gastos que lle está a ocasionar esta operación de cumprir coa seguridade pública. A propiedade deberá facer fronte a estes gastos en efectivo ou contra o seu patrimonio".

20081104 Desprendemento sobre nave en Mirasol

2008-11-06T04:34:00.000-08:00

UNHA NOVA LINGUA DE TERRA DEIXA INSERVIBLE OUTRA NAVE NO PORTO COMERCIAL DE RIBADEO.
Ribadeo, 4 de novembro de 2008. O alcalde de Ribadeo, Fernando Suárez, asegura que as choivas destes días ocasionaron danos nas estradas "de titularidade municipal, nas da Deputación e nas da Xunta. Hai arribadas de terra e gavias que se desbordan, pero o máis triste está no porto comercial de Mirasol".
O rexedor di que "si anteonte unha lingua de terra lle afectaba a unha nave, hoxe ás oito da mañá un novo desprendemento, unha nova lingua de terra fixo prácticamente inservible doutra nave anexa adicada á reparación e venda de motores de embarcacións". Fernando Suárez engade que "está previsto que o presidente de Portos de Galicia veña pola tarde a supervisar o que pasou, pero agora o que procede, e así me consta que Portos está nesa idea tamén, é facer o necesario para estabilizar ese talude para que non siga desprendéndose máis e darlle unha ubicación transitoria a esta xente para que poidan seguir a desenvolver a súa actividade, xa que estas naves eran propiedade de Portos".

20081104 Licitación Polígono industrial

2008-11-06T04:33:00.000-08:00

A SEPES VEN DE LICITAR AS OBRAS DE URBANIZACIÓN DO POLÍGONO INDUSTRIAL. O ALCALDE, FERNANDO SUÁREZ, AMÓSASE MOI SATISFEITO POR ESTE ANUNCIO.
Ribadeo, 4 de novembro de 2008. O alcalde de Ribadeo, Fernando Suárez, amósase moi satisfeito "vendo como discorre a tramitación administrativa para a execución das obras do polígono industrial". O rexedor considera que "si hai uns días todos nos congratulamos cando SEPES daba luz verde a este polígono pois agora xa podemos ver como SEPES ten xa todo este proceso en licitación pública, de tal xeito que todas as promotoras que queiran participar no concurso desta obra teñen de prazo ata o 22 de decembro de 2008 para presentar as súas ofertas económicas".
Fernando Suárez engade que "o propio SEPES abrirá as proposicións económicas o 27 de xaneiro de 2009 mantendo eses prazos de referencia dos que falamos hai uns días de que entorno á primavera de 2009 as obras poidan estar en execución, a xulgar por como están indo de rápido os prazos administrativos".
O rexedor de Ribadeo lembra que "se trata dunha inversión de preto de 6 millóns de euros e que desde logo estou convencido de que vai supoñer un paso adiante firme no que é a economía productiva do noso concello".

20081105 Teatro para nenos

2008-11-05T22:56:00.000-08:00

O DOMINGO HABERÁ TEATRO PARA NENOS EN RIBADEO

Ribadeo, 5 de novembro de 2008. O domingo 9 de novembro ás cinco e media da tarde a compañía Teatro del Andamio porá en escea a obra O monstro do Castelo, dirixida por Álvaro Guevara. Un espectáculo que se enmarca dentro da programación cultural do Concello de Ribadeo para o último trimestre do ano e que está dirixido para nenos e nenas e as súas familias.
A representación será no Auditorio Municipal Hernán Naval e o prezo da entrada será de 2 euros.

20081105 IV Escola Fermín Penzol

2008-11-05T22:55:00.000-08:00

RIBADEO ACOLLE OS DÍAS 7 E 8 DE NOVEMBRO A 4ª ESCOLA FERMÍN PENZOL.
Ribadeo, 5 de novembro de 2008. O Auditorio Municipal de Ribadeo acollerá os días 7 e 8 de novembro a 4ª edición da Escola Fermín Penzol que organiza a Universidade de Vigo coa colaboración do Concello de Ribadeo e a Asociación Cultural Santirso del Eo.
As xornadas serán inauguradas o venres ás cinco da tarde polo rexedor de Ribadeo, Fernando Suárez e polo coordenador da Escola Fermín Penzol, Xosé Henrique Costas. A conferencia inaugural será pronunciada ás cinco e media da tarde por Suso F.Acevedo e versará sobre Historia e escolma da prosa Eo-Naviae despois presentaráse o libro A herdade que nós temos. Historia e escolma da prosa do Eo-Navia. Ás seis e media da tarde haberá un recital de poetas de Galiza e da terra Eo-Navia no que participarán Aurora G.Rivas, Lucía Iglesias, Quique de Roxíos, Belén Rico Prieto, Xavier Xil Xardón, Anxo Ratel, Silvia Penas, Eva Moreda e Isaac Subín. Xa para as oito está prevista a representación teatral de A casa de Bernarda Alba pola Escola de Teatro de Ribadeo.
O sábado a xornada dará comenzo ás nove e media da mañá coa conferencia O teatro no Eo-Navia, a cargo de Rita Bugallo. Ás dez e meida será a segunda charla do día que pronunicará Carlos X.Varela Aenlle sobre Fotografías antigas do Eo-Navia. Para as doce está prevista unha mesa redonda sobre Presente e futuro da música tradicional en Galicia e no Occidente de Asturias na que intervirán Abel Pérez Méndez, director da Escola de Música Tradicional de Santirso de Abres e Xaquín Xesteira, membro de Treixadura Gaiteiros e profesor de gaita na Universidade Popular de Vigo. Á unha e media terá lugar unha homenaxe musical e literaria da Escola Fermín Penzol no cemiterio de Castropol; ás catro e media visita guiada polas terras do Eo-Navia e ás nove da noite castañada popular en Teixois, en Taramundi.

20081105 Demolición de nave

2008-11-05T22:53:00.000-08:00

MAÑÁ PODERÍAN DAR COMENZO OS TRABALLOS DE DEMOLICIÓN DA NAVE MÁIS AFECTADA POLO TALUDE DE TERRA QUE ONTE LLE CAUE ENRIBA NO PORTO COMERCIAL DE RIBADEO.
Ribadeo, 5 de novembro de 2008. O enxeñeiro xefe da zona norte de Portos de Galicia estivo toda a xornada en Ribadeo "analizando e dando instruccións para iniciar primeiro as tarefas de estabilización dese talude e despois a partires de mañá se empezará a demoler a nave máis afectada, a de Náutica Ribadeo, porque é a que máis perigo presenta agora. A outra nave, a de Seivane, váise estabilizar temporalmente e despois tamén será demolida, tal e como anunciaba onte Jacinto Parga na visita que cursou a Ribadeo", segundo explica o alcalde, Fernando Suárez. O rexedor valora "de xeito moi positivo a celeridade coa que está a actualr Portos de Galicia e o lugar transitorio que se está a buscar para que esas empresas poidan seguir traballando".
Danos nas parroquias
O alcalde de Ribadeo, Fernando Suárez, supervisou hoxe os danos ocasionados polo temporal nas parroquias. As máis afectadas foron as de Arante, Covelas e A Devesa. O rexedor asegura que "todas as parroquias teñen problemas en viais municipais, provinciais ou de titularidade autonómica. Onte xa a brigada de obras acudiu aos puntos máis afectados para sacar as augas que fluían por enriba da calzada e xa onte e tamén hoxe os técnicos municipais están a avaliar os danos causados e as situacións que se produciron estes días para pedir despois axudas á Xunta e á Deputación de Lugo".

20081031 Obras en centros educativos

2008-11-03T02:16:00.000-08:00

O ALCALDE ESTÁ DISPOSTO A COLABORAR COA CONSELLERÍA DE EDUCACIÓN NA BUSCA DE FINANCIAMENTO PARA ACOMETER DIVERSAS OBRAS NO CEIP GREGORIO SANZ.
Ribadeo, 31 de outubro de 2008. O alcalde de Ribadeo, Fernando Suárez, ofrecéuse esta mañá "para colaborar na busca de financiamento para axudar a mellorar o CEIP Gregorio Sanz" que esta mañá foi visitado polo delegado provincial de Educación, Luis Manuel Álvarez. Unha visita "que se enmarca dentro da intención do delegado de ir vendo diferentes centros da provincia e nesta parada tocóulle a Ribadeo, visita da que lle estou francamente agradecido", engade o rexedor.
Fernando Suárez asegura que "se lle pediron unha serie de actuacións que a Consellería de Educación debe abordar a ser posible neste ano 2009. Neste centro, como tódolos centros públicos, o Concello fai labores de mantemento, coma o pago da luz e da limpeza e do propio bedel, pero precisa, xa que é un referente, que se lle dea unha volta no ámbito das infraestructuras a nivel do que debe ser un centro da época na que estamos. É un centro que xa ten uns 30 anos e que precisa dalgunhas operación importantes de cara a mellorar a súa infraestructura". O alcalde engade que "o delegado quedou en facer unha valoración global para logo ir investindo en varias fases ou anualidades".

20081031 Curso de Comercio Electrónico

2008-11-03T02:15:00.000-08:00

O TELECENTRO DE RIBADEO ACOLLERÁ A PARTIRES DO 12 DE NOVEMBRO UN CURSO DE COMERCIO ELECTRÓNICO.
Ribadeo, 31 de outubro de 2008. O Telecentro de Ribadeo acollerá a partires do 12 de novembro un curso de comercio electrónico para coñecer e manexar as opcións que ofrece a rede de cara ao intercambio comercial. No curso que se prolongará ata o 17 de decembro abordaránse aspectos coma datos estadísticos e estudios de mercado existentes; sistemas e procesos de pago; procesos de compra; a importancia da loxística; as claves do éxito e os problemas máis frecuentes que nos poden xurdir.
O curso desenvolveráse no Telecentro de Ribadeo de luns a xoves de 19:00 a 21:00 horas. Os interesados en participar poden inscribirse na páxina web: www.rededinamizacion.eu no apartado de cursos de formación, ou achegándose ás instalacións do propio Telecentro.
Dito curso forma parte da programación para os meses de novembro e decembro prevista pola Rede de Dinamización da Sociedade da Información que oferta en total 300 horas de formación sobre aplicación de software libre en diversos puntos da xeografía galega, entre os que se atopa Ribadeo.

20081028 Novo camión para a recollida de lixo

2008-10-28T11:16:00.000-07:00

RIBADEO CONTA CUN NOVO CAMIÓN PARA A RECOLLIDA DO LIXO. O VEHÍCULO QUE TEN UNHA CAPACIDADE DE 18 METROS CÚBICOS FÓILLE ENTREGADO HOXE AO CONCELLO.
Ribadeo, 28 de outubro de 2008. O alcalde de Ribadeo, Fernando Suárez e o delegado provincial de Medio Ambiente, Eduardo Vidal presidiron o acto de entrega ao Concello do novo camión para a recollida do lixo. O rexedor dixo que "grazas a unha importantísima aportación da Consellería de Medio Ambiente duns 120.000 euros se sufragou o custe deste camión que está nos 140.000 euros. É decir que o Concello só aporta uns 20.000".
Fernando Suárez asegura que o camión "era absolutamente necesario porque dos dous vehículos que tiña o Concello de Ribadeo destiñados á recollida do lixo, un deles, un camión Pegaso moi vello xa non podía máis e hai xa unha temporadiña dixo que definitivamente non volvía andar. A partires de aí realizamos unha serie de xestións coa Consellería de Medio Ambiente e hoxe está aquí o seu delegado para o acto de entrega deste vehículo que vai resolver unha eiva moi importante que tiñamos".
O alcalde engade que "agora xunto co outro camión que adquirimos hai uns seis anos e que funciona perfectamente incorporamos ao parque de maquinaria municipal un novo vehículo Mercedes cunha capacidade de 18 metros cúbicos cando o anterior só tiña 10. Polo tanto, pensó que hoxe o parque de maquinaria do Concello é un pouco máis moderno e ten un novo vehículo exemplar e temos que estarle agradecidos á Consellería de Medio Ambiente".

20081027 Sepes e o polígono industrial

2008-10-27T23:25:00.000-07:00

FERNANDO SUÁREZ ESTÁ SATISFEITO COA INVERSIÓN DE 5,9 MILLÓNS DE EUROS QUE REALIZARÁ SEPES NA URBANIZACIÓN DO POLÍGONO INDUSTRIAL.
Ribadeo, 27 de outubro de 2008. O alcalde de Ribadeo, Fernando Suárez, amósase moi satisfeito coa inversión de 5,9 millóns de euros que realizará SEPES na urbanización do polígono industrial. O rexedor dixo que "a noticia prodúcese despois de tantas esperas, de tantas discusións, de tantas controversias políticas… desde logo hoxe os veciños e as veciñas de Ribadeo poden estar ben contentos, porque eu tamén o estou. Pode ser un dos días máis felicas do mandato deste goberno municipal, pero desde logo de toda a Corporación, dado que por fin se van licitar as obras do tan ansiado, do tan esperado polígono industrial de Ribadeo".
Suárez Barcia lembra que "esto hai uns meses que se desbloqueou de maneira irreversible para que puidese ser unha realidade. Ocorreu grazas á mediación da Consellería de Industria, grazas a Fernando Blanco despois de dialogar con SEPES, con Begasa... se puido levar adiante a planificación para unha construcción inmediata do que é a subestación de enerxía eléctrica da que se beneficiará non só o polígono industrial senón tamén a propia vila e o propio concello de Ribadeo".
O alcalde segue a contar que "tres meses despois SEPES por fin aproba proseguir co trámite da construcción do polígono industrial de Ribadeo e agora contamos que nos próximos días saia no BOE o anuncio de licitación das obras do tan demandado polígono. En tempos coma os que corren agora nos que a economía productiva debe ser o motor social, desde logo ¿qué mellor que darlle a Ribadeo un espazo para que a economía productiva se poida asentar? Esto a corto ou medio prazo veremos como se converte nun revulsivo económico para todos os veciños e veciñas deste concello que hoxe deben estar de noraboa".

20081027 Desplome en vivenda

2008-10-27T23:22:00.000-07:00

O ALCALDE ORDEA PRECINTAR A VIVENDA QUE SUFRIU UN DESPLOME NAS ÚLTIMAS HORAS NO CASCO VELLO DE RIBADEO. O CONCELLO BUSCA ALOXAMENTO PARA A MULLER QUE VIVÍA NESA CASA NUNHA SITUACIÓN PRECARIA.
Ribadeo, 27 de outubro de 2008. Nas últimas horas desplomábase a parte traseira dunha casa ubicada na rúa Antonio Otero, no casco vello de Ribadeo. A vivenda, segundo explica o alcalde, Fernando Suárez, "estaba nun estado lamentable do que advertimos hai algún tempo… desplomóuse a parte traseira do inmoble e parte dos escombros chegaron á rúa da Muralla. Na casa vivía unha señora nunhas circunstancias bastante precarias das que xa tiñamos advertido ao xulgado de Mondoñedo hai meses e agora en vista desta situación eu ordenei o precintado do inmoble e a esta muller estámoslle buscando transitoriamente un lugar onde poida durmir en tanto os seus familiares non se fan cargo dela". O rexedor engade que "ao mesmo tempo os técnicos municipais están contactando con Patrimonio e con Vivenda da Xunta acerca de cales son as medidas que hai que tomar agora de xeito inmediato, si é necesario tamén con execución subsidiaria no caso de que os propietarios non actúen rápidamente para evitar que se siga desprendendo e que poda afectar á seguridade pública".
Proxectos de rehabilitación
Fernando Suárez volta a "poñer o dedo na chaga da situación do casco vello de Ribadeo, de moitos dos inmobles que se encontran nunha situación realmente mala e que despois de estar tomando medidas nos últimos meses desde o goberno municipal vemos os primeiros froitos. Hai moitos propietarios que prácticamente non viven aquí, pero que xa están empezando a traer proxectos de rehabilitación, o que nos indica que vai ser a liña que vamos ter que seguir desde o Concello e en todo caso endurecéndoas ainda máis". O alcalde de Ribadeo asegura que "non pode ser que nos estea pasando cada dous por tres desprendementos de fachadas, vivendas que se caen… esto non pode ser. Levamos desde hai un tempo actuando, fixemos xa dúas execucións subsidiarias porque os seus propietarios fixeron caso omiso ás nosas advertencias e esto contrasta tamén coas críticas que por parte da Corporación Municipal lle fan ao equipo de goberno por teimar en que os propietarios poidan rehabilitar esas vivendas".
Man dura
Fernando Suárez recalca que "esa política vámola seguir e máis imos redoblar esforzos ata conseguir que o casco vello sexa un lugar seguro para transitar, agradable para vivir e que sexa unha fonte de riqueza desde o punto de vista turístico e que todas estas inversión públicas que se están a realizar servan para algo. Eu confío en que así será dentro de pouco, pero entretanto tomaremos as medidas coercitivas e subsidiarias que estimemos pertinentes de cara a garantir a seguridade pública dos que viven alí e dos que transitan polo casco vello".

20081027 Calidade para as praias

2008-10-27T12:42:00.000-07:00

AS PRAIAS DE AS CATEDRAIS E OS CASTROS RECIBEN A Q DE CALIDADE QUE LLES VEN DE CONCEDER O INSTITUTO PARA A CALIDADE TURÍSTICA ESPAÑOLA.
Ribadeo, 27 de outubro de 2008. As praias de As Catedrais e Os Castros recibían estes días en Xixón a Q de calidade que lles concede o Instituto para a Calidade Turística Española, segundo daba a coñecer nesta xornada o concelleiro de Medio Ambiente, Horacio Cupeiro.
O edil nacionalista asegura que "o Concello de Ribadeo implantou nas praias de As Catedrais e Castros un sistema de calidade e medio ambiente co fin de lograr a satisfacción de todos aqueles que nos visitan dotándoas duns servizos de calidade, seguridade e ornato. Sabemos que o litoral é un ben común e por eso queremos facer partícipes a todos os usuarios das praias así como a aqueles que realizan actividades nelas, como poden ser os empresarios de hostelería".
Cupeiro engade que "a día de hoxe contamos coa certificación do sistema que nos foi entregado o xoves en Xixón, despois de pasar polas etapas de lanzamento, desenrolo, mellora continua e ao final a consolidación. Por tanto as nosas praias xa contan con regularidade coa bandeira azul e agora coa marca de calidade concedida polo Instituto para a Calidade Turística Española".
O concelleiro de Medio Ambiente considera que "debemos desde o Concello seguir loitando para facer compatible o turismo coa protección do medio ambiente dentro da Rede Natura 2000, a través do LIC das Catedrais. Esperamos, si a crise nolo permite, levar a cabo o proxecto que estamos diseñando para facer deste entorno algo do que realmente nos sintamos orgullosos sin facer ningún dano ao monumento natural".

20081024 Parque de indianos

2008-10-24T12:15:00.000-07:00

O CONCELLO ACEPTA AS EXPLICACIÓNS DE MEDIO AMBIENTE PARA MODIFICAR O PROXECTO INICIAL DO PARQUE DE INDIANOS.
Ribadeo, 24 de outubro de 2008. O concelleiro de Medio Ambiente, Horacio Cupeiro, asegura que "o equipo de goberno do Concello de Ribadeo aceptamos as explicacións dadas pola Consellería de Medio Ambiente a través do informe emitido por esta sobre o xardín de Indianos". O edil nacionalista di que "como responsable de Parques e Xardíns, debo decir que estiven presente cando se fixo o replanteo, e se encontraron con que as medidas indicadas no proxecto eran o dobre da realidade, ousexa imaxínense facer unha casa de 400 metros cadrados nunha finca de 200. Sería imposible ¿verdade?".
Horacio Cupeiro entende que "a Consellería tiña a obriga de modificar o proxecto e presuntamente a propia Consellería púxose en contacto co Sr.Valdeón e incluso ofrecéronlle a execución da obra, e ao parecer o Sr.Valdeón desestimóuno por non poder executala con ese presuposto. Mediante o novo proxecto houbo que reducir o número de árbores, eliminóuse unha pérgola, modificóuse a fonte, pero non na súa orientación, cambiáronse dúas araucarias por dous magnolios; as zonas duras son as mesmas e o cascallo de pino, tamén ven no proxecto".
O concelleiro de Medio Ambiente lembra que "o adxudicador, segundo o prego no documento 3 di que a obra poderá ser modificada, disminuida, aumentada ou suspendida total ou parcialmente. Logo a Consellería tivo que facelo por razón de espazo, e estou seguro que coa mellor disposición posible en beneficio de Ribadeo, e pensando tamén nos filántropos da emigración que de forma altruista no seu día se acordaron da súa terra natal".
Informe de Medio Ambiente
Cupeiro da lectura ao informe que a Consellería de Medio Ambiente lle remitiu ao alcalde de Ribadeo e que di así:
"-que ese proxecto foi iniciado diante desta Consellería polo anterior alcalde, D.Balbino Pérez Vacas; -que unha vez que a Consellería decidiu financialo, encargou á empresa TRAGSA a execución das obras. Para elo procedeu á formalización do preceptivo replanteo, acontecendo:
-que as medicións que reflectía o proxecto non se axustaban ás dimensións reais do xardín; -que o proxecto inicial contemplaba a eliminación da maioría da masa arbórea existente. Por esta circunstancia o Servizo Técnico desta Delegación Provincial, postulou respectar as árbores que estiveran en boas condicións, e proceder a eliminar somentes aquelas secas, enfermas ou as que presentaban un crecimento inviable por causas da súa localización; -que para extraer as cepeiras e raíces das árbores retiradas, procedéuse a escavar en profundidade. Situación que propiciou a aparición dunha tubería de fibrocemento duns 80 anos de antigüidade que abastecía de auga a unha oa parte da vila de Ribadeo. Nese momento, realizóuse outro reformado e procedéuse á súa substitución por unha de polietileno; -que na primeira parte do xardín, debido a que os caixóns de madeira limitan en grande medida o crecimento normal das araucarias (dúas) que se propoñían plantar neles, decidíuse subsituilas por dous magnolios; -que noutra zona, por motivos estéticos, eliminóuse unha pérgola e substituíronse dúas proxectadas de tubo galvanizado, por outras de madeira laminada; que no contorno da fonte, que no proxecto estaba sen definir, e co gallo de respectar tres árbores existentes de grande porte, modificáronse as dimensións desta (rediseñóuse de menor tamaño), e procedéuse a eliminar o recheo proxectado na súa parte traseira. Incluíronse no diseño uns carreiros de area; -que no proxecto inicial, non ía contemplado ningún sistema de iluminación no xardín, situación que mudou coa colocación de nova farolas que sen dúbida aledarán o lugar en horario nocturno".
O informe de Medio Ambiente tamén di que "para efectuar o correspondente replanteo, o responsable da empresa adxudicataria, o director de obra designado por esta Delegación Provincial, o Xefe de Servizo de Conservación da Natureza e mailo proxectista acordaron reunirse en Ribadeo para efectuar os cambios oportunos. Debido á non comparecenza deste, esta Delegación Provincial, para evitar máis demoras na execución das obras, resolveu que realizaran o devandito reformado conxuntamente os servizos técnicos de TRAGSA e os de Conservación da Natureza desta Delegación. Tamén poño no teu coñecemento, que a propia TRAGSA, cando sacou a concurso a realización da obra, púxose en contacto coa empresa do proxectista para que participara na oferta. O mesmo declinou facelo aducindo a escasa marxe comercial resultante da execución de tal proxecto. Coméntoche para rematar, que as modificacións en ningún momento pretenderon desvirtuar o proxecto, senón adaptalo ás condicións naturais do lugar, respectando o máis posible a conservación dos seus valores naturais".

20081024 Recuperación de cetáreas

2008-10-24T12:11:00.000-07:00

FERNANDO SUÁREZ ASEGURA QUE A RECUPERACIÓN DAS CETÁREAS DE RINLO SERÁ UN ALICIENTE QUE LEVARÁ TURISMO A ESA ZONA DURANTE TODO O ANO.
Ribadeo, 24 de outubro de 2008. O alcalde de Ribadeo, Fernando Suárez, considera que o proxecto de recuperación das cetáreas de Rinlo "suporá un revulsivo económico, social e positivo para Ribadeo e singularmente para Rinlo. A vocación que ten Rinlo de pasar de ser un pobo mariñeiro a converterse en pobo vinculado ao turismo e aos servizos, con esta inversión que dentro de pouco esperemos que se comence a executar porque xa estamos finalizando o proxecto de redacción, suporá recuperar as cetáreas desa zona".
O rexedor engade que "algunha delas será para pesca sin morte, algo que xa existe noutros lugares de Galiza e que ten o atractivo turístico sobre todo de cara ás familias que teñen nenos pequenos e que poden asistir seguros a practicar a pesca sin morte".
Outra das cetáreas, segundo Fernando Suárez, "a que estivo a funcionar ata hai poucos anos aí é onde se pode facer unha especie de acuario co máis singular e característico da nosa riqueza do mar no que ten que ver co marisco e con determinados tipos de peixe da nosa zona".
Para o alcalde "todo esto de recuperar un patrimonio etnográfico abandoado desde hai tempo o que vai supoñer para os habitantes de Rinlo é unha progresiva afluencia de visitantes que ademáis non só vai ser ao longo do verán senón que será ao longo de todo o ano. Ribadeo no seu conxunto moitas veces din que é moi bonito e que ten moitas cousas que ver, pero quizáis non teña determinadas actividades que se poidan facer cando non hai sol e non hai praia. Ribadeo con todo esto, coa ruta do tren mineiro que será outro revulsivo importante desde o punto de vista turístico, vai ser definitivo para consolidarnos coma lugar de recepción turística importante".
Fernando Suárez lembra que o Concello, con Horacio Cupeiro, edil de Medio Ambiente e profundo coñecedor desa zona, ademáis do propio alcalde e Costas "levamos máis dun ano traballando para que este proxecto se converta en realidade".

20081023 Estradas N640 e N642

2008-10-23T23:51:00.000-07:00

FOMENTO ESTÁ A REDACTAR OS PROXECTOS PARA MELLORAR O FIRME NAS ESTRADAS N-640 E N-642 ENTRE PORTO E A PONTENOVA E ENTRE PORTO E RIBADEO. ASÍ LLO CONFIRMARON NAS ÚLTIMAS HORAS AO ALCALDE, FERNANDO SUÁREZ.
Ribadeo, 23 de outubro de 2008. O alcalde de Ribadeo, Fernando Suárez, recibiu nas últimas horas un escrito da Demarcación de Estradas do Estado en Lugo, no que lle aseguran que "a Unidade de Estradas está a redactar dous proxectos de mellora do firme: un afecta á N-640 no tramo entre Porto e A Pontenova e o outro á N-642 no treito entre Porto e Ribadeo".
O rexedor asegura que "como alcalde de Ribadeo sempre estiven preocupado pola situación destes viais que debo decir que non é nova. A situación degradada destes tramos de estrada está así desde hai tempo, non é algo que se degradara nos últimos tres ou catro meses, senón que ven desde moito atrás". Fernando Suárez explica que "xa tiñamos iniciado conversas no seu momento coa Demarcación de Estradas en Lugo que pertence ao Ministerio de Fomento e ao non daren resultado contactei persoalmente co xefe da Unidade, Narciso González Florido e lle pedin que o que a min me decía verbalmente o enviase por escrito para que conste a intención do Ministerio do Fomento que di que agora están redactando uns proxectos de mellora do firme que vai de Ribadeo a Porto e de Porto á Pontenova. Polo menos esa é a zona que lle decíamos que ten un estado moi lamentable e que cando chove ou cando fai mal tempo se intensifican os accidentes de tráfico".
O alcalde confía en que "agora estes proxectos se liciten enseguida e se proceda a executalos canto antes. Él tamén é receptivo a esta mensaxe que lle mandamos desde Ribadeo e que ademáis por outra banda tanta polémica estivo a dar nos últimos meses a nivel político, pero confiamos en que Fomento se poña as pilas, acabe de redactar estes proxectos que nos argumentan que están facendo e que os liciten dunha vez".

20081021 Axuda para a mellora da rede de abastecemento de auga

2008-10-22T09:17:00.000-07:00

O ALCALDE DE RIBADEO DEMANDA AXUDA Á CONSELLERÍA DE MEDIO AMBIENTE PARA MELLORAR A REDE DE ABASTECEMENTO DE AUGA DO CONCELLO.
Ribadeo, 21 de outubro de 2008. No encontro que mantivo esta mañá en Santiago o alcalde de Ribadeo, Fernando Suárez, co conselleiro de Medio Ambiente, Manuel Vázquez, éste expúxolle "a situación un tanto preocupante da rede de abastecemento de auga. O abastecemento principal ao que é a vila de Ribadeo e a unha parte importante do Concello ven desde Vilarbetote en Trabada e discorre por unha liña de 22 kilómetros que ten máis de 33 anos e que se atopa bastante obsoleta". O rexedor di que "da problemas de roturas cada pouco ainda que os veciños casi nunca se enteran. A empresa concesionaria nos está a advertir que quizáis un día poida haber unha rotura grande, e como a traída é moi vella e o depósito de acumulación de auga que está en Santa Cruz é ridículo para o que é a vila hoxe en día, pois non hai capacidade de almacenamento e quizáis si se rompe a acometida principal Ribadeo poidera quedar sen auga en poucas horas, si a rotura é importante".
Suárez Barcia asegura que "sabemos e somos conscientes de que non é unha cuestión que se poida resolver de hoxe para mañá, pero é algo que a Xunta, a Consellería de Medio Ambiente e Augas de Galicia deben ter presente para poder aproveitar, por exemplo, fondos europeos para proceder por unha banda, a axudar a renovar o que é a acometida de captación de auga de 22 kilómetros de lonxitude entre os concellos de Trababa e Ribadeo e por outra banda, á construcción dun novo depósito de auga que sirva para regular caudal e dar unha presión axeitada". O alcalde engade que "deso saben moitas familias de parroquias coma Vilaframil ou Piñeira que ás veces teñen problemas de presión e son os primeiros en padecer a falta dun depósito que poida regular dita presión, sobre todo, no caso de que se produza unha continxencia".
O rexedor ribadense considera que "o conselleiro foi receptivo a estas peticións que xa lle fixemos chegar noutras ocasións por outras vías e comprometéuse a estudialo seriamente e a darnos noticias dentro dun tempo, que nós agardamos que sexan positivas para os veciños de Ribadeo".
Manuel Vázquez e Fernando Suárez falaron do abastecemento de auga de Ribadeo esta mañá en Santiago despois de asinaren un protocolo de colaboración para a adquisición dun camión destiñado á recollida dos residuos sólidos urbáns.

20081021 Proxecto de saneamento de Piñeira

2008-10-22T09:15:00.000-07:00

O PLENO DO CONCELLO APROBOU POR UNANIMIDADE O PROXECTO DE SANEAMENTO NA ZONA DE PIÑEIRA. UNHA OBRA QUE SUPORÁ UN INVESTIMENTO DE 200.000 EUROS.
Ribadeo, 21 de outubro de 2008. O pleno extrarodinario e urxente que onte se desenvolveu no Concello de Ribadeo aprobou por unanimidade o proxecto de saneamento na zona de Piñeira que suporá un investimento de 200.000 euros. O alcalde, Fernando Suárez, agarda que "Augas de Galicia execute de maneira íntegra este orzamento para continuar ampliando a rede de saneamento integral. Unha rede que se empezou a facer hai varios anos e que ainda non está operativa. Vai desde A Devesa ata Vilaselán e estará lista cando a depuradora nova empece a funcionar unha vez que se constrúa".
O rexedor di que "esta arteira principal non sentido senón se vai desenvolvendo, polo tanto desde o Concello preparamos un proxecto para empezar a facer ramificacións desta rede principal e propuxémoslle a Augas de Galicia empezar pola parroquia de Piñeira no lugar de Dompiñor. Ao mesmo tempo este proxecto de 200.000 euros vai conectar o colector xeral construido hai poucos meses con todo o núcleo de Dompiñor e ademáis quedaría operativo ao pé da estrada xeral para poder continuar nun futuro cara Folgosa ou para completar a parroquia de Piñeira".
Fernando Suárez engade que "o Concello aprobou o proxecto e agora poñerá a disposición da Consellería de Medio Ambeinte os terreos, os camiños públicos por onde pasará ese saneamento. Agardo que Augas de Galicia o aprobe canto antes e que nos poñamos a traballar para executalo. É un tema importante que se aprobou por unanimidade de todos os grupos políticos con representación no Concello de Ribadeo".

20081021 Petición extemporánea de Balbino Pérez

2008-10-22T09:14:00.000-07:00

O VOCEIRO DO BNG, VICENTE CASTRO, CONSIDERA QUE CHEGA FORA DE TEMPO A REVISIÓN PLANTEXADA POLO EX ALCALDE, BALBINO PÉREZ VACAS, RECLAMANDO OS PRETO DE 13.000 EUROS QUE DEIXOU DE PERCIBIR CANDO LLE RETIRARON O SOLDO EN ABRIL DE 2007.
Ribadeo, 21 de outubro de 2008. O voceiro do BNG e concelleiro de Economía, Vicente Castro, considera que chega fora de tempo a revisión plantexada polo ex alcalde, Balbino Pérez Vacas, reclamando os preto de 13.000 euros que deixou de percibir cando lle retiraron o soldo en abril de 2007. Castro asegura que "consideramos que si naquel momento se decidiu que non era políticamente correcto revisar ou anular o acordo agora o momento é menos oportuno nos tempos que corren e dada a situación precaria das arcas do Concello".
O edil nacionalista engade que "nós non entramos a valorar outra cousa. No seu día nós tomamos unha postura que consideramos axeitada e o que simplemente acordamos agora é non acceder a esa revisión proposta e nada máis. Non nos parece oportuna. Naquel momento o noso concelleiro e tenente de alcalde tivo que incorporarse ao día seguinte ao seu posto de traballo e o Sr. Pérez Vacas tamén puido facelo".

20081017 Actividades do programa de Drogodependencias

2008-10-18T01:03:00.001-07:00

ENTRENAMENTO EN HABILIDADES SOCIAIS, CINENSINO E KOMIKEA II SON ALGUNHAS DAS ACTIVIDADES DO PROGRAMA DE PREVENCIÓN DE DROGODEPENDENCIAS QUE HOXE SE PRESENTOU EN RIBADEO.
Ribadeo, 17 de outubro de 2008. O programa de prevención de drogodependencias que hoxe se presentou en Ribadeo inclúe actividades para rapaces de primaria e de secundaria e tamén destiñadas ao ámbito familiar. O alcalde, Fernando Suárez, dixo que "imos levar adiante un feixe de actividades de cara ao curso 2008-2009 facéndoo transversal desde o ámbito educativo, pasando pola familia, a xuventude, a incorporación social…".
Segundo explicou tamén a responsable do programa, Mónica Fernández Lamparte, os alumnos de primaria participarán no denominado Entrenamento en Habilidades Sociais "trátase dun programa de 4 sesións dirixido a alumnos de 5º e 6º curso dos colexios de Ribadeo, Trabada, Barreiros e A Pontenova, no que a apreden a perdir perdón, a falar en público, a decir que non, a decir cousas agradables. E tamén se repartirán os materiais didácticos de prevención do consumo de drogas editados pola Consellería de Sanidade e que son completamente novos este ano. Farámolos chegar a 1.164 alumnos".
Proxección en galego
Para secundaria está prevista a celebración dunha nova edición de Cinensino, un programa dirixido a alumnos de 1º e 2º da ESO dos IES Dionisio Gamallo Fierros e Porta da Auga. Fernández Lamparte asegura que "se proxectarán tres películas e a novidade deste ano é que unha será en galego. Trátase de Pradolongo. Tamén haberá reparto de material didáctico entre os rapaces dos IES de Ribadeo e da Pontenova e celebraráse a segundo edición de Komikea, un programa dirixido a alumnos de 3º e 4º da ESO no que actúan coma mediadores e tras unhas sesión de formación en drogodependencias e outras sobre como elaborar un comic, eles mesmos elaboran os seus comics preventivos que despois se reparten entre todos os mozos e mozas de Ribadeo de entre 15 e 20 anos, escolarizados nos IES do Concello". Os alumnos de secundaria tamén participarán na campaña ¿E si che toca a ti?
O programa de prevención de drogodependencias tamén actúa no ámbito da familia, co reparto da publicación Cousas que che interesan como pai/nai "que chegará a 624 familias con fillos en idades dos 10 aos 18 anos. O folleto leva unha enquisa adxunta para ver si os pais-nais estarían interesados en facer grupos de reunión e formación en drogodependencias", explicou Fernando Suárez.
Mónica Fernández Lamparte lembrou tamén que seguen a repartir vales de tren en FEVE para o desprazamento á UAD de Burela para todas aquelas persoas que se atopen a tratamiento de deshabituación de calquera drogodependencia sexa legal ou ilegal "a 13 de outubro ían entregados máis de 500 vales".
30.000 euros de investimento
O rexedor destacou a aportación económica realizada pola Dirección Xeral de Saúde Mental e Drogodependencias "que pasa dos 25.000 euros que nos deron no 2007 aos 30.000 deste ano". Fernando Suárez tamén agradeceu a colaboración do profesorado "xa que sin eles non se podería realizar este programa, xa que nos prestan horas lectivas para realizar intervencións nas aulas por parte do noso persoal de drogodependencias, entre outras cousas".

20081016 Comisións de urbanismo e de asuntos xerais

2008-10-17T12:54:00.000-07:00

MAÑÁ CELÉBRANSE EN RIBADEO COMISIÓNS URXENTES DE URBANISMO E DE ASUNTOS E SERVIZOS XERAIS.
Ribadeo, 16 de outubro de 2008. Mañá celébranse no Concello de Ribadeo comisións informativas de urbanismo e de asuntos e servizos xerais con carácter extraordinario e urxente.
As dúas están previstas para as seis da tarde. Na de urbanismo analizaránse os acordos solicitados pola Consellería de Medio Ambiente para a execución da obra de “Dotación de servizo de saneamento na zona de Piñeira”, e para a execución da obra de “Complementario nº 1 do proxecto constructivo de colector xeral en Ribadeo, no treito entre Rinlo e Vilaselán”.
E na comisión de asuntos e servizos xerais abordaráse a petición de Balbino Pérez Vacas de revisión de oficio de acordo plenario de 24 de abril de 2007. Trátase da petición que presentou o ex alcalde hai uns meses reclamando que se lle paguen os preto de 13.000 euros que deixou de percibir na súa etapa coma rexedor, cando PP e Santiago Fernández-Reinante decidiron en pleno retirarlles o soldo ao alcalde e ao tenente de alcalde na pasada Corporación. Agora o pleno do Concello ténse que voltar a pronunciar.
Nesta comisión tamén de verá a ratificación de resolución da alcaldía, adoptada por razóns de urxencia, de integración do Concello de Ribadeo no Grupo de Desenvolvemento Rural para a comarca de A Mariña e designación de representantes municipais titular e suplente.

20081015 Axudas para emigrantes retornados

2008-10-16T02:14:00.000-07:00

ATA O 3 DE NOVEMBRO ESTÁ ABERTO O PRAZO DE SOLICITUDE PARA ACCEDER ÁS AXUDAS A EMIGRANTES RETORNADOS QUE SE ATOPEN EN SITUACIÓN DE NECESIDADE.
Ribadeo, 15 de outubro de 2008. A Oficina de Atención ao Inmigrante do Concello de Ribadeo informa da concesión de axudas económicas, individuais, directas, extraordinarias, non periódicas, de carácter social e asistencial, dirixidas aos emigrantes galegos e aos seus descendentes en situación de risco social que residan en Iberoamérica, así coma a emigrantes retornados que se atopen nunha situación de necesidade.
Poderán solicitar as axudas da presente convocatoria as persoas que reúnan os seguintes requisitos:
-Ser maior de idade.
-Ser emigrante galego ou descendente con nacionalidade española de emigrantes galegos ata a 3ª xeración, con residencia en calquera país de Iberoamérica: Arxentina, Bolivia, Brasil, Chile, Colombia, Costa Rica, Cuba, República Dominicana, Ecuador, El Salvador, Guatemala, Honduras, México, Nicaragua, Panamá, Paraguai, Perú, Puerto Rico, Uruguai e Venezuela.
-No caso de emigrantes retornados con residencia en Galiza, a data de retorno a esta comunidade non pode ser anterior a dous anos antes da solicitude.
-Carecer de bens e ingresos que permitan o nivel mínimo de subsistencia.
O prazo de solicitudes destas axudas remata o 3 de novembro de 2008, polo que os interesados deberán dirixirse antes desa data á Oficina de Atención ao Inmigrante, no Auditorio Municipal de Ribadeo, en horario de 9 a 14 horas, e alí se lles dará máis información sobre estas axudas.

20081015 Escolas deportivas municipais

2008-10-16T02:13:00.000-07:00

A CONCELLARÍA DE DEPORTES AMPLÍA O PRAZO DE INSCRIPCIÓN NAS ESCOLAS DEPORTIVAS MUNICIPAIS.
Ribadeo, 15 de outubro de 2008. A Concellaría de Xuventude e Deportes amplía o prazo de inscripción para matricularse nas escolas deportivas municipais ata o 31 de outubro, segundo informa no día de hoxe, Vicente Castro.
O edil nacionalista lembra que segue aberto tamén o prazo de inscripción nas clases de ximnasia de mantemento que se impartirán polas parroquias de Ribadeo a partires do vindeiro luns 20 de outubro.
Os interesados en participar nas escolas deportivas ou nas clases de ximnasia de mantemento nas parroquias poden inscribirse acudindo ás oficinas da OMIX ubicada no Auditorio Municipal Hernán Naval.

20081015 Mar por medio

2008-10-16T02:11:00.000-07:00

O VENRES COMENZAN AS XORNADAS MAR POR MEDIO CON 75 PARTICIPANTES INSCRITOS.
Ribadeo, 15 de outubro de 2008. O venres comenzan en Ribadeo as XVI Xornadas Mar por Medio que este ano se centran na construcción dun espazo común de comunicación e cultura entre Galiza e Portugal. No evento que está organizado pola Consellería de Cultura e o Concello de Ribadeo hai inscritas a día de hoxe 75 persoas, ainda que os coordenadores agardan chegar a 100. Tamén destacan que para o encontro profesional que se celebrará o domingo con axentes culturais de Portugal hai 25 persoas e colectivos que solicitaron participar neste contacto, entre os que se atopan xente da cultura, do teatro, da música, programadores galegos…A organización está satisfeita con esta convocatoria 2polo variada que é e porque están representados moitos sectores da cultura galega. Estamos moi contentos".
As xornadas serán inauguradas o venres ás seis e media da tarde no Concello de Ribadeo, polo alcalde, Fernando Suárez; o Director Geral das Artes de Portugal, Jorge Barreto e polo Director Xeral de Creación e Difusión Cultural da Xunta, Luis Bará.
De xeito paralelo ás xornadas está prevista a inauguración da exposición Grande-Pequeno. Galiñas, miserias e cabezudos, o venres ás oito e media da tarde na oficina de turismo vella e o sábado celebraráse no Auditorio Hernán Naval, a partires das oito e media da tarde o concerto de Aló Irmao, a cargo de Fran Pérez e Manecas Costa, con entrada libre e gratuita para os participantes nas xornadas e para o público en xeral que queira asistir a esta cita.
As xornadas Mar por Medio serán clausuradas o domingo ás doce da mañá pola concelleira de Cultura, Mariluz Álvarez Lastra.

20081015 H2SO4 na fábrica de algas

2008-10-15T22:51:00.000-07:00

O CONCELLO PROCEDERÁ MAÑÁ A TAPIAR A ZONA DA ANTIGA FÁBRICA DE ALGAS NA QUE SE ATOPAN DOUS TANQUES DE ÁCIDO SULFÚRICO, QUE PODERÍAN CONTER ATA 3.000 LITROS DESTE PRODUCTO.
Ribadeo, 15 de outubro de 2008. O Concello de Ribadeo tapiará mañá a zona da antiga fábrica de algas da Vilavella na que se atopan dous tanques que poderían conter ata 3.000 litros de ácido sulfúrico. Hoxe supervisou esas vellas instalacións o concelleiro de Medio Ambiente, Horacio Cupeiro, que sinalou que "despois de falar co responsable da antiga fábrica de algas, hoxe fomos ver in situ onde estaban eses tanques que presumiblemente teñen ácido sulfúrico e atopamos dous dun material especial para conter ese tipo de ácido". O edil nacionalista di que o estado que presentan os tanques "non é malo, pero debido a que ese producto é tóxico, perigoso e corrosivo estamos a tomar as medidas axeitadas para que non poidan producirse actos vandálicos ou manipulacións dese ácido".
Mañá xoves váise tapiar a zona onde están os tanques "para que ninguén poida acceder a eles e despois desde o Concello poñerémonos en contacto con empresas que poidan estar interesadas neste tipo de productos por si pode interesarlles facerse con él; senón teremos que ver si a empresa que cesou a súa actividade hai máis de quince anos ten a obriga (que entendo que sí) de poder tratar ese tipo de residuos ainda que agoran estean nuns terreos que son propiedade municipal. Si estas vías non funcionan a extracción tería que financiala o propio Concello", engade Horacio Cupeiro.
O concelleiro de Medio Ambiente engade que "ninguén sabía da existencia deses tanques de ácido sulfúrico tata que no último pleno se nos alertou desa posibilidade, e desde ese momento xa nos puxemos a traballar, e xa colocamos estes días un cartel que prohíbe o acceso a esas instalacións a persoas e vehículos. Na visita que cursamos este mediodía á zona comprobamos que se trata de dous tanques cilíndricos que están en posición horizontal. Un está vacío e o outro supostamente contén ese ácido".
Os terreos nos que se atopa a antiga fábrica de algas son de propiedade municipal desde o momento no que se expropiaron e despois foron cedidos a Costas para a construcción dun paseo marítimo.

20081013 nova praza de limpiadora

2008-10-14T11:32:00.000-07:00

O CONCELLO DE RIBADEO CONVOCA UNHA PRAZA DE LIMPIADORA PARA O PAVILLÓN POLIDEPORTIVO E ALBERGUE.
Ribadeo, 13 de outubro de 2008. O Concello de Ribadeo convoca unha praza de limpiadora para o pavillón polideportivo e albergue. O contrato será por obra ou servizo determinado por un prazo de dous meses sen perxuizo das prórrogas que no seu caso procedan. Será a tempo parcial cunha xornada laboral de 3 horas diarias. Entre os criterios que se esixen figuran estar en posesión do certificado de estudios primarios. Valoraránse: os servizos prestados no Concello de Ribadeo ou noutras administracións públicas en postos de traballo de contido análogo ou categoría semellante; o coceñecemento do galego e a antigüidade no paro.
O prazo para a presentación de documentación no rexistro xeral de entrada do Concello estará aberto ata as dúas da tarde do 17 de outubro. As probas de selección de persoal realizaránse o 21 deste mes ás cinco da tarde na Casa do Concello.

20081013 sancións en zona azul

2008-10-14T11:30:00.001-07:00

A PARTIRES DO VINDEIRO 20 DE OUTUBRO O CONCELLO SANCIONARÁ AOS COCHES APARCADOS NA ZONA AZUL QUE NON TEÑAN O DISCO CORRESPONDENTE E AOS QUE SE PASEN DA HORA ESTABLECIDA.
Ribadeo, 13 de outubro de 2008. A partires do vindeiro luns 20 de outubro o Concello de Ribadeo sancionará aos coches que estean aparcados na zona azul na rúa Doutor Moreda e nas inmediacións das praza de abastos que non conten co disco correspondente e aos que se pasen da hora establecida. O rexedor, Fernando Suárez, asegura que "despois de varios meses informativos sobre este sistema de aparcamento agora aplicaremos a ordenanza reguladora en toda a súa dimensión sancionando aos que a incumplan".
Os interesados en contar cos discos azuis para aparcar nesa zona de xeito totalmente gratuito poden acudir a retiralos ao Concello de Ribadeo ou pedir información á Policía Local. O alcalde ribadense anima "a todos os cidadáns a seguir actuando con responsabilidade".

20081014 sancións en zona azul

2008-10-14T11:30:00.000-07:00

20081014 Calificativos despectivos para o voceiro de UPRi

2008-10-14T09:11:00.000-07:00

O CONCELLEIRO DE MEDIO AMBIENTE TILDA DE EGOCÉNTRICO E SOBERBIO AO VOCEIRO DA UPRI. E PÍDELLE EXPLICACIÓNS SOBRE AS PISTAS POLIDEPORTIVAS QUE SE ÍAN CONSTRUIR NO ANTIGO VERTEDOIRO.
Ribadeo, 14 de outubro de 2008. O concelleiro de Medio Ambiente, Horacio Cupeiro di que "sobre a aptitude con p de Francisco Rivas só lle quero decir que incluso da persoa máis inculta do mundo se pode aprender algo, pero desde logo del hai determinadas actitudes con c que non as quero aprender e moita xente xa entende o que quero decir". Cupeiro engade que "en canto á aptitude con p só lle vou decir unha cousa, dime de que presumes e che direi de que careces. Él considérase imprescindible e non sei que será de Ribadeo e do mundo cando él non estea. Máis ben parece ter un problema: é un pouco soberbio, todo é eu, eu e máis eu, parece que o mundo xira ó seu arredor. Un non sabe si será ao final un pouco egocéntrico".
Pistas polideportivas
Sobre as pistas polideportivas que supostamente se ían construir no antigo vertedoiro "e botarlle a culpa ao seu ex compañeiro de goberno, despois de que o 25 de febreiro de 2000, aparecen unhas declaracións súas entrecomilladas no diario El Progreso nas que di están traendo material que é necesario para a zona onde se construirán as pistas polideportivas… entón ¿cómo lle debo preguntar ao ex alcalde si realmente él era o único do Concello que estaba na comisión de seguimento? ¿Por qué non explica que houbo que facer unha modificación do proxecto de selado por ter metido no vertedoiro 16.000 metros cúbicos de terra sen autorización da Xunta de Galicia, tal e como consta documentalmente?" segue a preguntarse o edil nacionalista. Horacio Cupeiro quere que "Francisco Rivas explique tamén de onde veu esa terra. O único que me pregunto é si no proxecto inicial estaban as pistas polideportivas e no modificado non aparecen ¿por qué non se fixeron?... cando este señor xustifica, como dixen antes, o recheo de terras para facelas. Xa sabemos lóxicamente das súas argucias para enganar. Primeiro fíxoo coa licitación do punto limpo cunha moción chea de mentiras e despois coas dietas, cando a subida é do 15% e él di que é dun 130%".
O concelleiro de Medio Ambiente considera que "os nosos veciños xa notan que ten excesivas ansias de poder e eu só me pregunto ¿por qué será?".

20081014 foros permanentes para a muller

2008-10-14T09:09:00.000-07:00

MAÑÁ COMENZAN EN VILASEÁN OS IV FOROS PERMANENTES PARA A MULLER.
Ribadeo, 14 de outubro de 2008. Mañá 15 de outubro arrancan en Vilaselán os IV Foros Permanentes para a Muller, os denominados Foros en Outono. Será cun obradoiro de nutrición que impartirá Paz Otero, educadora de saúde, na Escola de Vilaselán a partires das oito e media da tarde.
Dirixido ás parroquias de Covelas, Cedofeita e Arante desenvolveráse o 21 de outubro un obradoiro de autocoidado, que impartirá Patricia Otero na Escola de Cedoita ás oito e media da tarde.
Os Foros en Outono continuarán o 22 de outubro no Círculo Habanero da Devesa, dirixido ás xentes desta parroquia e de Cinxe, co obradoiro do autocoidado, a cargo de Patricia Otero.
E en Ribadeo na Casa do Mar, o 23 de outubro, as enfermeiras do Centro de Saúde, Inmaculada Valledor e Consuelo Carballo, falarán da Rehabilitación do solo pélvico. Incontinencia urinaria femenina. Será ás oito e media da tarde. E o 30 de outubro, tamén na Casa do Mar e á mesma hora, Mariano Carreiro, psicólogo clínico da Unidade de Saúde Mental de Burela falará da Saúde mental na adolescencia.
Consello Municipal da Muller
Este xoves reúnese ás oito e media da tarde o Consello Municipal da Muller para falar das actividades que vai desenvolver no último trimestre do ano. Segundo explica Luisa González, responsable do CIM, "este órgano ten por obxecto promover a participación das mulleres na vida política e social da vila ribadense. Tamén se ergue coma órgano transmisor e vehiculizador das propostas que xurdan en calquera ámbito relacionadas coa problemática da muller. Un espazo propio onde as mulleres poden opinar sobre aquelas decisión municipais que lles van afectar".
O Consello Municipal da Muller constituíuse no mandato pasado o 2 de marzo de 2005, dando comenzo nesa data a súa andaina "da man dun grupo de traballo estábel que procuran unha mellor calidade de vida para as mulleres desta vila", engade Luisa González. O Consello Municipal da Muller está integrado por mulleres representantes das asociacións veciñais, das asociacións de mulleres, de asociacións sectoriais, de partidos políticos, sindicatos, técnicas de empresa, de igualdade e pola concelleira da Muller, Mariluz Álvarez Lastra.

20081010 Arquivo de denuncia ó concello

2008-10-11T05:12:00.000-07:00

SATISFACCIÓN DO CONCELLEIRO DE MEDIO AMBIENTE TRAS O ARQUIVO DA DENUNCIA PRESENTADA POR AUGAS DE GALICIA POLOS VERQUIDOS DE AUGAS RESIDUAIS QUE FORON PARAR AO RÍO DAS PEDRAS PROCEDENTES DO ANTIGO VERTEDOIRO.
Ribadeo, 10 de outubro de 2008. O concelleiro de Medio Ambiente, Horacio Cupeiro, amósase satisfeito tras o arquivo da denuncia presentada por Augas de Galicia o 19 de 2007 polos verquidos de augas residuais que foron parar ao río das Pedras procedentes do antigo vertedoiro.
Cupeiro di que "desde o Concello de Ribadeo atopámonos satisfeitos polo apoio da Dirección Xeral de Calidade e Avaliación Ambiental á hora de solucionar un problema heredado no vertedoiro selado na parroquia de Ove en canto aos lixiviados, ao biogás e ao desbroce. Hai que lembrar que o vertedoiro estaba abandoado desde había varios anos. A día de hoxe está desbrozado, canalizado á depuradora e estáse queimando o biogás coma sempre debeu estar e ademáis con cargo á Consellería".
O edil de Medio Ambiente asegura que "hai quen se denuncia asimismo, xa que desde que o Sr. Rivas vendeu o selado a bombo e platiño no 2001 despois xa se olvidaron de atendelo, e así estaban os lixiviados rebosando ao río das Pedras tal e como aparece reflexado na denuncia que o Seprona presentou diante de Augas de Galicia. A día de hoxe, repito, contamos con analíticas feitas por empresas solventes e agora archivanesa denuncia. Con esta obra aforrámoslle ao Concello sobre 24 millóns das antigas pesetas, segundo consta no proxecto".
Horacio Cupeiro engade que "agora falta que nos expliquen porqué non se fixo a pista deportiva e os vestiarios previstos enriba do vertedoiro".

20081010 Clases para inmigrantes

2008-10-11T05:10:00.000-07:00

CLASES DE GALEGO, DE ESPAÑOL, DE INFORMÁTICA ADEMÁIS DE REFORZO EDUCATIVO SON ALGUNHAS DAS ACTIVIDADES DESTIÑADOS AOS INMIGRANTES QUE ORGANIZA O CONCELLO DE RIBADEO.
Ribadeo, 10 de outubro de 2008. O Concello de Ribadeo presentou hoxe as actividades que organizou destiñadas á poboación inmigrante. O alcalde, Fernando Suárez, asegura que "Ribadeo é un lugar de acollida para moitos inmigrantes que veñen en busca de traballo. A poboación inmigrante pasou de 370 cidadáns que tiñamos censados hai un ano e agora temos 500. A maioría son de Brasil (un total de 160) e de Portugal (con 80), seguidos xa a moita distancia por Colombia, Rumanía, República Dominicana, Marrocos e Arxentina".
O rexedor ribadense engade que "vemos que hai un aumento significativo que se ve reflexado nos usuarios que se achegan á Oficina do Emigrante para solicitar información, orientación e asesoramento sobre temas de interés, o que nos leva a pensar que Ribadeo é un concello no que se sinten agusto para comenzar unha nova vida e nós acollémolos cos brazos abertos cando veñen facer o que facemos aquí que é traballar e integrarse perfectamente na nosa sociedade. E nós desde aquí co apoio da Consellería de Presidencia e da Secretaría Xeral de Emigración queremos continuar facendo cursiños de adaptación e de integración".
Este ano vánse impartir clases de español os martes e os xoves de 10:30 a 11:30 "con posibilidade de aumentar os horarios para facilitar a asistencia porque o coñecemento do idioma é básico coma chave de integración en tódolos ámbitos da nosa sociedade", explica Ana Prieto, técnica de emigración.
Reforzo educativo con clases de apoio escolar e de galego serán de luns a venres de 17:30 a 19:30 "e dentro desas horas organizaremos as clases en función das idades dos alumnos".
Haberá tamén clases de informática os martes e os xoves de 19:30 a 21:00 no Teleclube ubicado na Casa da Xuventude. Estas clases darán comenzo o 4 de novembro.
Encontros gastronómicos
E vánse celebrar os segundos encontros gastronómicos interculturais, que segundo engade, Ana Prieto, "por segundo ano queremos poñer en marcha dada a aceptación da pasada edición. O ano pasado puidemos degustar recetas típicas da cociña árabe, brasileña, paraguaia, ademáis da española e galega e este ano coñeceremos máis recetas deses países e tamén das cociñas dominicana e cubana e despois iremos introducindo máis a medida que atopemos a máis inmigrantes dispostos a colaborar". Estes encontros serán todos os venres dos meses de novembro e decembro, ás oito da tarde na Casa do Mar. Comenzarán o 7 de novembro.
Os interesados en inscribirse nalgunha destas actividades poden acudir á Oficina do Emigrante ubicada no Auditorio Municipal en horario de 9 da mañá a 2 da tarde ou chamando por teléfono ao 982 120 808.

20081009 ximnasia de mantemento nas parroquias

2008-10-09T22:29:00.001-07:00

O 20 DE OUTUBRO COMENZAN AS CLASES DE XIMNASIA DE MANTEMENTO NAS PARROQUIAS DE RIBADEO.
Ribadeo, 9 de outubro de 2008. O vindeiro 20 de outubro comenzarán nas parroquias de Ribadeo as clases de ximnasia de mantemento do curso 2008-2009, que organiza o Concello de Ribadeo. Están dirixidas a todas as idades e xa está aberto o prazo de inscripción no Auditorio Municipal.
En Vilaframil serán os luns e os mércores de 4 a 5 da tarde. Na Devesa os martes e os venres de 5 a 6. En Vilausende os luns e os mércores de cinco e media a seis e media. En Vilela serán os luns e os mércores de seis e media a sete e media. En Rinlo/Obe os martes e os venres de seis e media a sete e media. En Vilaselán serán os luns de 8 a 9 e os xoves de 7 a 8. En Couxela luns e mércores de 8 a 9 da noite. En Cinxe martes e venres de 8 a 9. En Cedofeita os luns de nove e dez a dez e dez e os xoves de oito e media a nove e media e de nove e media a dez e media. E en Remourelle serán as clases os luns e os mércores de nove e media a dez e media.

20081009 actividades culturais outono

2008-10-09T22:24:00.000-07:00

XORNADAS EDUCATIVAS, EXPOSICIÓNS, MÚSICA E ARTES ESCÉNICAS COMPOÑEN A PROGRAMACIÓN CULTURAL DO CONCELLO DE RIBADEO PARA O ÚLTIMO TRIMESTRE DO ANO.
Ribadeo, 9 de outubro de 2008. Xornadas educativas, exposicións, música e artes escénicas para adultos e nenos compoñen a programación cultural do Concello de Ribadeo para o último trimestre do ano, e que hoxe foi presentada pola edil, Mariluz Álvarez Lastra.
Xornadas
Do 17 ao 19 de outubro desenvolveránse no Parador de Turismo de Ribadeo as XVI Xornadas Mar por Medio que organizan a Consellería de Cultura e o Concello, e que este ano se centrarán nas relacións entre Galicia e Portugal.
E do 7 ao 9 de novembro celebraráse a 4ª Escola de Formación Fermín Penzol, que organiza a Universidade de Vigo e que terá por escenario Ribadeo e Vegadeo.
Exposicións
Na vella oficina de turismo pódese ver ata o 26 de outubro "unha mostra de imaxinería popular tanto galega coma da outra banda do Miño", segundo conta Mariluz Álvarez Lastra "denominada Grande, pequeno. Galiñas, miserias e cabezudos que nestes días previos ao inicio de Mar por Medio vai ser visitada polos nenos de primaria dos nosos centros de ensino que contarán con talleres e títeres para entender mellor a exposición".
No Forte de San Damián segue aberta a exposición Percorridos "que a día de hoxe recibiu xa 1.800 visitas, e agora os alumnos de secundaria acudirán durante este mes cunha guía para poder disfrutar desta mostra", engade a edil nacionalista.
Os tempos son chegados é o título da exposición sobre o himno galego que se pode visitar na oficina de turismo nova. Álvarez Lastra convida aos ribadenses "a que se pasen por alí para disfrutar dos paneis e dos folletíns didácticos para achegárense ao significado do noso himno".
Música
A concelleira de Cultura asegura que neste trimestre "haberá de novo actividades organizadas pola Coral Polifónica de Ribadeo, pola Banda Sinfónica e pola Escola de Música das que xa iremos dando conta ao seu debido momento". Unha das primeiras citas musicais deste trimestre será a actuación de Fran Pérez e Maneca Costas, dentro das xornadas Mar por Medio, co espectáculo Aló irmaos. Será o 18 de outubro ás oito e media da tarde no Auditorio Municipal e con entrada gratuita "un concerto ao que poderán asistir todos os que o desexen ainda que non participen nas xornadas", engade Mariluz Álvarez Lastra.
En novembro voltan as Músicas Posibeis cun concerto de guitarra a cargo de Iñaki Diéguez Trío "e prestaremos de novo unha atención especial ás parroquias, e así o Ciclo máis perto de ti chegará a Couxela en novembro onde actuará o coro do Colexio Sagrado Corazón e en Covelas a Aula Municipal de Teatro porá en escea en decembro a obra A casa sen ventás".
Artes escénicas
Neste ámbito haberá actividades para adultos e tamén para nenos. Mariluz Álvarez conta que "a Ribadeo chegarán compañías coma Teatro do Atlántico, Teatro Galileo ou Espello Cóncavo que xa teñen tradición e outras máis novas coma Teatro do Andamio".
A primeira cita co teatro neste trimestre será este domingo 12 de outubro. Teatro Galileo porá en escea a obra Náufragos, a partires das oito e media da tarde no Auditorio Municipal. O prezo das entradas será de 2 e de 4 euros.
Os nenos contarán con teatro de clown, títeres e actividades de danza. Unha das novidades que presentou a edil de Cultura foron "Os encontros dos axóuxeres que son cancións da nosa lingua musicadas para bebés a partires dos tres ou dos seis meses. Esta actividade terá lugar o 1 de novembro ás 12 da mañá no Auditorio Municipal e a entrada é gratuita. Xa o contamos agora para que os que teñen nenos se vaian organizando. Tamén haberá o Mercado do Nadal e as actividades que nesas datas se organizan para os nenos, pero que xa contaremos cando se achegue a data".
Mariluz Álvarez Lastra convida "a todo o mundo a que disfruten destas actividades culturais e a que consigan máis información achegándose ao departamento de Cultura na Casa do Concello".

20081006 Ecoembés e os impropios na recollida de lixo

2008-10-07T11:41:00.000-07:00

O CONCELLEIRO DE MEDIO AMBIENTE INSISTE NA NECESIDADE DE ESFORZARSE NA RECOLLIDA SELECTIVA. EN ABRIL DESTE 2008 OS IMPROPIOS CHEGARON ATA O 26,71%.
Ribadeo, 6 de outubro de 2008. O concelleiro de Medio Ambiente, Horacio Cupeiro, insiste na necesidade de esforzarse na recollida selectiva en Ribadeo. Cupeiro conta que "hai uns días recibimos o informe de Ecoembes que é a S.A sin ánimo de lucro que se encarga de controlar e xestionar a recollida dos embases lixeiros, no que nos comunica que en Ribadeo se está mellorando no tocante a recollida selectiva. Ecoembes cada pouco tempo manda a uns inspectores que controlan todo canto se deposita nos contedores amarelos e logo comunicanos o resultado. Concretamente no mes de Abril estivemos por debaixo do 30% de impropios, exactamente o 26,71%". O edil nacionalista lembra que "cando estamos por encima desa porcentaxe débese concretamente a catro tipos de residuos que se depositan no contedor amarelo e que non debería ser así, como son: materia orgánica, vidro, cartón e film comercial. O ano pasado xa se enviou a todalas casas a informacion de como facelo e este ano tamén o imos a indicar, porque si superemos o 30% de indebidos o Concello será sancionado. Por todo o anterior, desde o Concello solicitamos a colaboracion dos veciños á hora de seleccionar o lixo, xa que desta maneira contribuimos a que os residuos poidan ser logo transformados noutros productos".
Enseres na vía pública
Horacio Cupeiro tamén pide colaboración á hora de deixar enseres na rúa "quero que sexamos todos conscientes do problema que se crea ao Concello que se depositen enseres na vía pública sin comunicalo nos días indicados para a recollida que son os últimos martes de cada mes para o (madeiras mobles e colchóns) e os primeiros martes para os obxetos metálicos (neveiras e labadoras) entre as 9 e 11 da mañá dese mismo día. Esta mala costume obríganos a recorrer as rúas todos os días para controlar esos depósitos. O telefono do Concello é o 982.128.650".
Cartón
O concelleiro de Medio Ambiente de Ribadeo pídelles "aos establecementos que depositan o cartón fora dos contedores ou que o depositan sin plegar e sin atar os días de recollida porta a porta, que fagan estas entregas dacordo co bando da Alcaldía, porque estamos xugando coa imaxen de Ribadeo, e a imaxen da nosa vila e a nosa propia imaxen. Nós desde o Concello non debemos convetir a vila nun estado policial, por máis que a vía sancionadora sexa a única que entenden algúns. Todos sabemos cando cumprimos có deber de cidadán. De todas formas de persistir a actitude dalgúns de non colaborar para conseguir un Ribadeo máis limpo, máis ordenado e máis humanizado, verémonos na obriga de sancionar a estos establecementos, que xa foron requeridos polo Concello". Cupeiro recoñece que "a maioría cumpre, pero ainda quedan uns poucos que siguen depositando o vidro no contedor de orgánico. Quero recordar, que o teléfono do punto limpo é o 619 55 18 95 que está aberto de 9 a 13 e de 14:30 a 18:30 de luns a venres e de 9 a 13 os sábados".
Pilas e baterías
Horacio Cupeiro tamén lles comunica "aos veciños que o dia 26 do mes de setembro entrou en vigor o R.D. 106/2008 sobre pilas, baterias e acumuladores que obriga aos productores e distribuidores a recoller todolos elementos mencionados, polo que o consumidor ten o dereito a que se lle recollan en todolos establecementos de venta destes productos, ademáis estos teñen a obriga de informalos. A recuperación será gratuita para o consumidor".

20081006 Requerimentos para limpeza de solares

2008-10-07T11:38:00.000-07:00

O CONCELLO ENVÍA REQUERIMENTOS A 6 VECIÑOS DE RIBADEO PARA QUE LIMPEN OS SEUS SOLARES QUE ESTÁN CHEOS DE MALEZA E DE SILVAS E QUE NALGÚNS CASOS XA LLE AFECTAN Á VÍA PÚBLICA.
Ribadeo, 6 de outubro de 2008. O Concello de Ribadeo envióulles requerimentos a 6 veciños para que procedan a limpar os seus solares que están cheos de maleza e de silvas que nalgúns casos chegan á vía pública. O alcalde, Fernando Suárez, asegura que "estánse enviando requerimentos desde o Concello aos propietarios de solares e de parcelas da vila dado que os técnicos municipais fixeron nos últimos días unha serie de informes recomendándolle á alcaldía a adopción de medidas de cara a mellorar o ornato e sobre todo a salubridade deses puntos". O rexedor engade que "hai unha serie de fincas que se encontran con maleza, con silvas… nunha situación que non é a axeitada, polo tanto debo recordar que hai un tempo fixemos unha tandada deste tipo de decretos e agora ampliámolo a outra serie de parcelas".
Fernando Suárez di que "o que persigo é pedirlles aos veciños propietarios destas parcelas, desde o punto de vista da cordialidade e da colaboración, que teñen que telas en bó estado. Non se cuestiona o dereito á propiedade privada, pero ésta ten tamén unhas obrigas e esas en canto a ornato e limpeza deben estar correctas. Hai veciños que se queixan de que hai silvas que invaden os muros e que poden afectarlle á vía pública e eso é algo que non queremos consentir. Vámoslles reclamar desde o punto de vista cordial que teñen que tomar medidas de maneira inmediata, pero si non é así poderán ser sancionados polo Concello".
O alcalde de Ribadeo confía "no sentido común destes propietarios (algúns deles non viven aquí en Ribadeo) e agardo que saiban estar á altura das circunstancias ou ben por eles ou ben encargándolle a algunha empresa que segue ou desbroce esas parcelas que non se atopan no seu mellor momento posible".

20081006 obras en Calvo Sotelo e Amando Pérez

2008-10-07T11:34:00.000-07:00

HOXE COMENZAN AS OBRAS DE REHABILITACIÓN E MELLORA NAS RÚAS CALVO-SOTELO E AMANDO PÉREZ.
Ribadeo, 6 de outubro de 2008. Hoxe dan comenzo en Ribadeo as obras de rehabilitación e mellora das rúas Calvo-Sotelo e Amando Pérez. No primeiro dos casos a empresa encargada é Naray de Foz e no segundo Xestión Ambiental de Contratas. O alcalde, Fernando Suárez, asegura que "estas dúas rúas que xa foran licitadas hai un tempo responden a unha serie de plans estratéxicos, por un lado (Calvo Sotelo) de zonas peonís para dinamizar o comercio e contan co apoio económico da Consellería de Innovación e Industria, e por outro (Amando Pérez) á que se unirán nuns días as rúas Trinidad, Fontecabada e Viejo Pancho, grazas a un convenio asinado coa Consellería de Vivenda para revitalizar o noso casco vello".
Suárez Barcia considera que "van ser un par de meses de intensas obras en toda esta zona que seguramente ocasionarán molestias no tráfico, pero os veciños de Ribadeo nestes últimos anos estiveron vendo como se estivo a cambiar a fisonomía da vila e penso que son comprensivos ainda que eu non me canso de pedir disculpas por adiantado porque sabemos que seguro ocasionarán molestias. Pero antes de que remate o ano unha parte importante destas obras estarán rematadas e desde logo o avance cuantitativo e cualitativo, en canto a calidade e en canto a ter metros de vía rematados e perfectamente actualizados, será grande. Vai dar gusto vivir por alí, pasear por alí, comprar por alí…".
Importante investimento
O conxunto de todas estas obras Calvo Sotelo, nesta primeira fase, Amando Pérez, Trinidad, Fontecabada e Viejo Pancho suporán un investimento duns 600.000 euros "financiados a maior parte polas Consellerías de Vivenda e Industria, por iso lles estamos moi agradecidos xa que o Concello non chega a unha aportación media do 30% de inversión", segue a contar o rexedor ribadense.
Gas
Fernando Suárez advírtelles aos veciños que "se van soterrar os servizos que agora estaban aéreos coma o cableado da luz, do teléfono… e tamén o gas naqueles sitios onde a compañía o estimo oportuno. Agradecémoslles a todos aqueles veciños que desexen contar con gas que llo demanden á empresa subministradora porque despois unha vez rematadas as obras vai ser moi difícil por non decir imposible volver a levantar estes pavimentos… os que o queiran que o pidan agora".

20081003 Homenaxe a Calvo Sotelo

2008-10-05T03:15:00.000-07:00

A XUNTA DE VOCEIROS ACORDOU POR UNANIMIDADE REALIZAR UNHA HOMENAXE POPULAR AO EX PRESIDENTE DO GOBERNO, ALCALDE HONORARIO, FILLO ADOPTIVO E MARQUÉS DA RÍA DE RIBADEO, LEOPOLDO CALVO-SOTELO.
Ribadeo, 3 de outubro de 2008. A xunta de voceiros do Concello de Ribadeo reunida hoxe, acordou por unanimidade realizar unha homenaxe popular ao ex presidente do Goberno, Leopoldo Calvo-Sotelo. O alcalde, Fernando Suárez, asegura que "de xeito unánime por parte dos grupos da Corporación estamos de acordo en realizar esa homenaxe que perfilamos nos contactos mantidos coa viúva de Calvo-Sotelo e con algúns dos seus fillos de cara ao primeiro cabodano do pasamento do ex presidente do Goberno".
Estatua en Porcillán
O rexedor relata que "hai previsto para maio (ainda que sin concretar o día exacto) porque así o propoñía a familia e nós vímolo ben, o descubrimento dunha estatuta de corpo enteiro nun lugar simbólico do entorno de Porcillán dado que él era tamén Marqués da Ría de Ribadeo. Haberá que pedir os permisos e autorizacións pertinentes a Portos de Galicia. Para iso e por vontade tamén da familia queremos facer unha cuestación popular, unha aportación pública para que os veciños de Ribadeo que o coñeceron ou que o estimen convinte fagan donacións económicas para sufragar en todo ou en parte o que vai ser ese monumento".
Medalla a título póstumo
Fernando Suárez engade que a Corporación tamén estima convinte "a concesión da medalla de Ribadeo a título póstumo (algo que temos no regulamento de honras e distincións aprobado no anterior mandato) a quen foi tamén alcalde honorario e fillo adoptivo de Ribadeo. E tamén se procederá a editar un libro-homenaxe sobre a relación que Calvo-Sotelo tivo con esta vila e viceversa".
Ao alcalde gustaríalle quedarse "coa idea de unanimidade coa que se acordou levar a pleno estes actos para darlles un carácter formal e tamén co sentimento de que sexa unha homenaxe popular na que participará a Coral Polifónica de Ribadeo"

20081003 Acceso dende a autovía

2008-10-05T03:10:00.000-07:00

O CONCELLO DEMANDARÁ UN ESTUDIO A FOMENTO SOBRE A POSIBILIDADE DE CONSTRUIR UN SEGUNDO ACCESO A RIBADEO DESDE A-8 EN SENTIDO ASTURIAS.
Ribadeo, 3 de outubro de 2008. A xunta de voceiros do Concello de Ribadeo acordou por unanimidade demandarlle en pleno á ministra de Fomento "a realización dun estudio razoado sobre a posibilidade de facer un segundo acceso da A-8 á vila desde Galicia en sentido Asturias", conta o alcalde de Ribadeo. Fernando Suárez lembra que "desde Asturias en sentido Galicia hai dous accesos a Ribadeo, un na parte central e outro onde vai ser o polígono industrial, e cando vimos de Galicia só contamos cun acceso á nosa vila. Despois dun debate e donde todas as corporacións desde a do PP presidida por José Carlos Rodríguez Andina, desde a do PSOE con Balbino Pérez Vacas e desde a do BNG con quen lles fala como alcalde quixemos que o resultado fose o mellor posible e a verdade é que quedou esta importante pega dun só acceso a Ribadeo desde Galicia".
O rexedor ribadense di que con ese novo acceso a Ribadeo da autovía do Cantábrico desde Galicia "se evitarían moitos inconvintes e sobre todo que moita xente que se pasa nese acceso único que temos á altura da circunvalación se teña que ir dar a volta ás Figueiras (en Asturias) para entrar en Ribadeo. Todos os partidos: UPRI, PSOE, PP e BNG vemos con bós ollos facer este pronunciamento conxunto en pleno e estimar esta petición que foi realizado polo PP".

Contador

2008-10-02T10:12:00.001-07:00

A partires deste momento o blog conta con contador...

20081002 Camión de bombeiros

2008-10-02T09:57:00.000-07:00

MEDIO RURAL FINANCIA CON 30.000 EUROS A COMPRA DO NOVO CAMIÓN DE INCENDIOS DE RIBADEO.
Ribadeo, 2 de outubro de 2008. O alcalde de Ribadeo, Fernando Suárez, asinou en Lugo na Delegación de Medio Rural, un convenio de colaboración para a participación na prevención e defensa contra os incendios forestais mediante a adquisición dun vehículo motobomba. O rexedor asegura estar "francamente satisfeito polo apoio que desde a Xunta de Galiza se nos está a dar a Ribadeo nesta materia. Hai xa uns meses que asinamos un convenio coa Dirección Xeral de Protección Civil para a adquisición dun camión contra incendios e pola magnitude e cuantía tan importante que supón o seu custe estimado en 180.000 euros, a Consellería pertinente puxo 110.000 euros, quedando o resto para asumir por parte do Concello. Desde aquel momento estiven a facer xestións co conselleiro de Medio Rural e Alfredo Suárez Canal foi tamén sensible a esta circunstancia e participará o seu departamento na financiación deste vehículo coa aportación duns 40.000 euros, e así desta maneira o Concello só terá que aportar 30.000".
Fernando Suárez engade que "coa sinatura deste convenio este vehículo contra incendios deberá comprometerse a participar na vixianza e extinción de incendios forestais no noso ámbito".
O rexedor pensa que "este vehículo que está adxudicado e que foi adquirido hai uns días ainda que non nos foi entregado vai ser un dos mellores de todo o país e da comarca da Mariña pola súa capacidade de motor, pola súa potencia, pola súa capacidade de depósito de auga para 4.000 litros, e independentemente de que o Concello de Ribadeo forme parte do parque comarcal de bombeiros temos entidade dabondo para seguir tendo un vehículo contra incendios coma tivemos sempre dende hai uns 30 anos. Este novo camión ven sustituir a este Pegaso tan antigo que tiñamos, tan vello e que nos ten dado máis dun susto porque nunha continxencia nos puidese quedar parado. Ribadeo ten moitos núcleos rurais e edificios moi grandes que precisan dun servizo que agora quedará mellor cuberto".

20080929 obras en Porcillán

2008-09-30T08:20:00.000-07:00

O ALCALDE AMÓSASE SATISFEITO TRAS A ADXUDICACIÓN DAS OBRAS QUE PORTOS REALIZARÁ NO PEIRAO DE PORCILLÁN.
Ribadeo, 29 de setembro de 2008. Satisfacción no Concello de Ribadeo tras a adxudicación das obras que Portos de Galicia acometerá no peirao de Porcillán por importe de 530.000 euros. O alcalde, Fernando Suárez, asegura que "ditas obras mellorarán a seguridade viaira e ampliarán o número de atraques no porto. Entendemos que era unha asignatura pendente que xa o propio presidente de Portos de Galicia nos explicara aquí no Concello e desde logo que o máis fundamental é a necesidade de reordenar a circulación nesa zona para separar o tráfico rodado dos peatóns xa que o vial actual era moi estreito".
O rexedor engade que "é de destacar esa pasarela peatonal de madeira duns 150 metros de longo que se vai colocar para diferenciar ás áreas de circulación; logo van tamén bancos, xardiñeiras e uns poucos atraques máis. Ribadeo, a nivel de portos deportivos, é un dos primeiros en número de amarres superando os 600 amplamente".
Fernando Suárez agarda que "agora se poidan ir conciliando estas obras con esas outras que iniciaremos no casco vello en poucos días. Espero que non se produzan problemas, a pesares das molestias ocasionadas".

20080926 turismo en Ribadeo

2008-09-27T12:28:00.000-07:00

UNHAS 25.000 PERSOAS PASARON POLA OFICINA DE TURISMO DE RIBADEO NOS MESES DE XUÑO, XULLO E AGOSTO.
Ribadeo, 26 de setembro de 2008. Unhas 25.000 persoas pasaron pola oficina de turismo de Ribadeo durante os meses de xuño, xullo e agosto, segundo os datos facilitados esta mañá polo alcalde, Fernando Suárez. Desa cifra, 23.000 son cidadáns españois procedentes na súa maioría de Galicia (4.000) e seguidos a unha certa distancia por madrileños, cataláns, asturianos e vascos. E 2.000 visitantes son cidadáns doutras nacionalidades "os franceses son os que máis veñen por aquí, seguidos de ingleses, alemáns e italianos", explica o rexedor que fai un balance positivo destes datos "que se veñen incrementando nos últimos tempos".
Suárez Barcia engade que o que máis valoran e polo que máis preguntan os turistas "é pola praia das Catedrais que xa é patrimonio de todos… é a máis visitada, a máis preguntada e máis demandada. Tamén se interesan polo casco vello de Ribadeo coa súa arquitectura indiana…a Torre dos Moreno e os edificios nobles e preguntan porqué algúns deses inmobles se atopan nun estado pésimo. Nós agardamos que en breve Ribadeo cambie esa imaxe mala que ten do seu casco porque como decimos moitas veces é unha fonte de riqueza e de turismo telo ben rematado. E os que nos visitan tamén se interesan pola reserva da biosfera, preguntan pola ría e polos Oscos".
O alcalde de Ribadeo lembra as iniciativas que realizou o Concello en tempada baixa "coma o tren de Feve que trouxo a un número importante de viaxeiros de Asturias, e tamén os novos folletos turísticos editados en galego, español e inglés están a ter moi boa acollida, o que nos indica que debemos ir potenciando este tipo de turismo que supón que gasten os seus cartos na hostelería e no sector terciario de Ribadeo".
Fernando Suárez tilda os datos coma "positivos ainda que non debemos caer na autocomplacencia, pero sí que nos permiten ser moi positivos de cara a eventos que están aí ás portas coma o Xacobeo 2010. Agardamos que este convenio asinado co Bispado e a Xunta para rehabilitar o colexio das monxas e convertilo nun dos principais albergues de todo o país tamén redunde en positivo de cara ao turismo que chega ano a ano a Ribadeo".

20080925 Convenio para o ARI

2008-09-27T12:01:00.000-07:00

O PLENO APROBOU POR UNANIMIDADE O 7º CONVENIO PARA A REHABILITACIÓN DO CASCO HISTÓRICO QUE SUPORÁ UN INVESTIMENTO DE 520.000 EUROS ENTRE OS ANOS 2009 E 2011.
Ribadeo, 25 de setembro de 2008. O pleno do Concello de Ribadeo aprobou por unanimidade na tarde de onte o 7º convenio para a rehabilitación do casco histórico. O alcalde, Fernando Suárez, destaca que "suporá a rehabilitación de 20 vivendas no casco vello de Ribadeo coa aportación importante do Ministerio de Vivenda e da Consellería de Vivenda e co 45% que porán os particulares. Serán 400.000 euros os destiñados a rehabilitación de edificios e de vivendas. E outra parte é a relativa á rehabilitación de espazos públicos urbanos no casco vello, onde ainda que a cantidade é menor tamén é importante. Neste caso aportan cartos o ministerio, a Xunta e o Concello. O que se destina a obra pública son 120.000 euros. En total entre obra pública e privada falamos dun investimento de 520.000 euros".
O rexedor di que en breve se asinará o convenio coa consellería e do goberno estatal "que terá vixencia desde o ano 2009 ata o 2011. Teño que destacar a boa acollida dos veciños que viven no casco vello de cara a estas axudas. Estamos detectando máis interés neste último ano desde que se modificaron sensiblemente as para eliminar as listas de espera tan grandes que tiñamos. Está vindo máis xente, estamos cubrindo sen problema a xustificación dos proxectos de cada anualidade e esta nova remesa de vivendas dará a posibilidade a 20 familias de poder rehabilitar esas casas con cargo ás axudas públicas".
O Concello será implacable
Fernando Suárez engade que esta situación "contrasta con aqueles inmobles, moitos deles nobles, que pertencen a familias que non viven aquí e que moitas veces fixeron oídos xordos ás nosas demandas. Nos últimos tempos despois deses decretos de cara á seguridade pública, salubridade e ornato moitos reconsideraron a súa actitude desdeixada de non rehabilitar eses edificios e algúns están metendo proxectos de rehabilitación e noutros casos o Concello tivo que facer execucións subsidiarias, cando menos no que ten que ver coa segurade pública". O alcalde de Ribadeo destaca que "non nos gusta ter que facer esto pero seremos implacables de aquí en diante con estes propietarios e seguiremos coa política de tender a man a todos aqueles que viven no casco histórico para que poidan disfrutar das axudas instauradas para esto. Agardamos que nun prazo razoable de tempo o casco de Ribadeo sexa visitable e admirado polos veciños e polos turistas que se achegan a ver esta xoia do patrimonio mariñano".

2080923 de novo bancos xunto ós eucaliptus do forte de san Damián

2008-09-23T13:11:00.000-07:00

O ALCALDE DE RIBADEO ORDEA REPOÑER OS BANCOS NA ZONA DOS EUCALIPTOS, FRONTE AO FORTE DE SAN DAMIÁN.
Ribadeo, 23 de setembro de 2008. O alcalde de Ribadeo, Fernando Suárez, deu orde esta mañá á brigada de obras para proceder a repoñer os bancos na zona dos eucaliptos, fronte ao Forte de San Damián. O rexedor asegura que "nun pleno celebrado o 1 de agosto de 1994, cando o actual voceiro do PSOE, Balbino Pérez Vacas era teniente de alcalde, aprobaron a adquisición dese eucaliptal a un particular polo que esa finca é propiedade do Concello desde entón".
Suárez Barcia pide "disculpas ao PP por ter retirado os bancos antes de comprobar a propiedade do terreo e sobre todo aos veciños e usuarios dese mobiliario público que moitos empregan para descansar despois de pasear pola zona. Terei que medir moito de quen veñen as cousas cando me din algo e parece mentira que alguén que votou un asunto nun pleno hai xa anos me metera nesta regueifa que vivimos ao longo dos últimos días".

20080923 Convenio para rehabilitación do casco histórico e pleno

2008-09-23T13:08:00.000-07:00

O SÉTIMO CONVENIO PARA A REHABILITACIÓN DO CENTRO HISTÓRICO DE RIBADEO SUPORÁ UN INVESTIMENTO DE 520.000 EUROS.
Ribadeo, 23 de setembro de 2008. Mañá irá a pleno extraordinario no Concello de Ribadeo, o sétimo convenio para o Área de Rehabilitación Integral do centro histórico, que suporá un investimento total de 520.000 euros. Para a rehabilitación de 20 vivendas destínanse 400.000 euros, dos que o Ministerio de Vivenda aporta 120.000, a Consellería de Vivenda 100.000 e os 180.000 restantes terán que ser aportados polos propietarios dos inmobles. O convenio contempla 120.000 euros tamén para a urbanización de rúas e espazos públicos. Desa cifra o ministerio aporta 36.000 euros, a consellería 30.000 e o Concello de Ribadeo 54.000 euros.
O alcalde, Fernando Suárez, lembra que "se xestiona todo desde o Concello, con Patrimonio, con Vivenda e os proxectos fánse de xeito gratuito sempre e cando non sexan obras maiores, é dicir que afecten á estructura do inmoble". O rexedor confía en que "o asunto sexa respaldado polo pleno da Corporación Municipal".
O primeiro dos convenios do ARI asinóuse no ano 2002 en Ribadeo.
O pleno extraordinario de mañá mércores 24 de setembro dará comenzo ás sete da tarde.

20080918 contratación de profesores para a escola de música e danza de Ribadeo

2008-09-19T11:53:00.000-07:00

O CONCELLO DE RIBADEO CONTRATA A 8 PROFESORES PARA A ESCOLA MUNICIPAL DE MÚSICA.
Ribadeo, 18 de setembro de 2008. O Concello de Ribadeo procederá a contratar a oito profesores para a Escola Municipal de Música. Será para impartir as materias de ballet-danza, metal agudo, metal grave, violín-viola, violoncello-contrabaixo, acordeón, canto e oboe-fagot. Os contratos a tempo parcial faránse pola modalidade de obra ou servizo determinado para o curso escolar 2008-2009 (ata o 30 de xuño de 2009).
Os interesados poden presentar a documentación no rexistro de entradas do Concello ata as dúas da tarde do 24 de setembro. As probas de selección terán lugar o día 25 ás cinco e media da tarde na Casa do Concello.

20080918 xantar sobre rodas

2008-09-19T11:52:00.000-07:00

XANTAR SOBRE RODAS CHEGA NOS SEUS PRIMEIROS 15 DÍAS DE FUNCIONAMENTO A 40 USUARIOS DE RIBADEO. O ALCALDE, FERNANDO SUÁREZ, FIXO HOXE BALANCE DO FUNCIONAMENTO DOS SERVIZOS SOCIAIS NO CONCELLO.
Ribadeo, 18 de setembro de 2008. O alcalde de Ribadeo, Fernando Suárez, facía este mediodía balance do funcionamento dos servizos sociais do Concello lembrando que "hai un ano e catro meses cando accedín á alcaldía dixen que un dos pilares básicos do noso goberno ía ser fomentar os servizos sociais e neso estamos".
O servizo de axuda a domicilio contaba no ano 2006 con 5 auxiliares para dar atención a 50 persoas cunha media de 2 a 3 horas á semana; no 2007 e co apoio da Vicepresidencia da Igualdade e do Benestar "que nos axuda desde o punto de vista económico contamos con 8 auxiliares e con 72 usuarios que recibían unha media de atención de 5 horas semanais", explica o alcalde, que engade que "agora no 2008 agardamos rematar con 10 ou 11 auxiliares contratadas para complementar unha inversión por parte da Xunta de 81.000 euros. Hai máis dun ano que este servizo recibía unha dotación de 19.000 euros e agora pasamos a 81.000. Trátase dun salto cuantitativo importante pero tamén cualitativo porque duplicóuse o persoal e damos máis e mellores servizos con máis horas de atención nas súas casas para os usuarios que se benefician deste programa".
Xantar sobre rodas
O servizo Xantar sobre rodas "que foi obxecto dunha experiencia piloto hai uns meses sufragada pola Vicepresidencia da Igualdade e do Benestar e que tivo moi boa acollida ven de implantarse hai quince días no noso Concello onde funciona con vocación de continuidade. Temos a día de hoxe 40 usuarios grazas ao apoio dos 36.000 euros que recibimos da Xunta", segue a relatar Fernando Suárez. O alcalde explica que "o custe diario do menú que reciben nas súas casas os usuarios é de 7 euros, ainda que coma media pagan 4 euros por día. Hai xente que polos seus recursos paga máis de 4 euros, pero tamén os hai que pagan moito menos".
O rexedor di que "con todo esto queremos evidenciar un incremento no número de usuarios e na calidade dos servizos prestados. Un obxectivo fundamental dos servizos sociais que é o que nos empeñamos en seguir cumprindo é que a xente maior poida vivir o maior tempo da súa vida no seu medio habitual e por eso hai que facilitarlles medios a eles e ás súas familias para conseguilo".

20080917 mostra de teatro Daniel Cortezón

2008-09-19T11:50:00.000-07:00

A CONCELLEIRA DE CULTURA CONSIDERA QUE A MOSTRA DE TEATRO AFECCIONADO DANIEL CORTEZÓN XA ESTÁ CONSOLIDADA EN RIBADEO.
Ribadeo, 17 de setembro de 2008. A concelleira de Cultura, Mariluz Álvarez Lastra, convida a todos os veciños de Ribadeo a que se acheguen desde mañá e ata o domingo ao Auditorio Municipal Hernán Naval para presenciar algunha das obras que forman o programa da V Mostra de Teatro Afeccionado Daniel Cortezón. Álvarez Lastra anima "á xente a que acuda a ver estas compañías de teatro afeccionado xa que é unha maneira de potencialas, de poñelas en valor e ademáis é unha ocasión para que poidan actuar nos escenarios e ao mesmo nivel que as compañías profesionais".
A edil nacionalista considera que "esta quinta edición amosa que a mostra está consolidada e que cada vez ten máis peso tanto de asistencia coma das compañías que veñen ao noso concello a participar nesta cita".
A Mostra de Teatro Daniel Cortezón arranca mañá xoves 18 de setembro ás oito e media da tarde en Ribadeo coa actuación da Aula Municipal de Teatro de Ribadeo que porá en escea a obra Casa sen ventás.
A entrada a todas as obras de teatro é gratuita.

20080917 nave en Mirasol

2008-09-19T11:49:00.000-07:00

O ALCALDE SEMPRE ESTIVO CONVENCIDO DE QUE NON SE ÍA CONSTRUIR NO PORTO DE MIRASOL UNHA NAVE DE GRANDES DIMENSIÓNS.
Ribadeo, 17 de setembro de 2008. O alcalde, Fernando Suárez, sempre estivo convencido de que non se ía construir no porto de Mirasol unha nave de grandes dimensións. O rexedor di que "coma alcalde e actuando coma voceiro da unanimidade dos membros da Corporación teño que decir que a nova non nos estrana, non nos alegra e tampouco nos entristece… porque xa sabíamos que non podía ser. O Concello nunca ía dar licencia de obra para facer este monstruo de 8 plantas de altura e dunha superficie dun campo de fútbol que nos ía estropear unha parte importante do casco vello e eso non é compatible con outro tipo de crecemento".
Fernando Suárez reitera "a oportunidade e as facilidades que ten o porto de Ribadeo sin esa nave cuberta que non era máis que para abrigarse da chuvia en momentos moi concretos do ano, pero que en ningún caso restaría productividade dado que nin Portos de Galicia tiña un estudio realizado das horas perdidas ao ano de carga e descarga por non ter unha nave cuberta".
O rexedor de Ribadeo considera que "Portos debe esforzarse, agora que ten máis tempo, en realizar un dragado integral da ría… algo moi demandado desde o Concello, desde os estibadores e desde as xentes do mar. O porto de Ribadeo segue a ser moi competitivo e Portos o que debería mirar é de darlle máis uso a este punto de interés fronteirizo para que por Ribadeo poidan entrar todo tipo de madeiras. Quizáis Portos podería enfocar os seus estudos de mercado e dar a coñecer máis o porto de Ribadeo para aproveitalo sin necesidade de acudir a estas grandes moles que estropearían o casco vello da vila".
Suárez Barcia engade que "agora non se poden producir máis desmanes coma os que se puideron ter producido en anos pretéritos".

20080916 Mostra de teatro Caniel Cortezón

2008-09-19T11:39:00.000-07:00

O XOVES COMENZA A V MOSTRA DE TEATRO AFECCIONADO DANIEL CORTEZÓN.
Ribadeo, 16 de setembro de 2008. O xoves comenza en Ribadeo a V Mostra de Teatro Afeccionado Daniel Cortezón que se prolongará ata o 21 de setembro. As representacións terán por escenario o Auditorio Municipal Hernán Naval e serán de balde.
O xoves 18 de setembro ás oito e media da tarde a Aula Municipal de Teatro de Ribadeo porá en escea a obra Casa sen ventás. Esta obra xa foi estreada en Rinlo, onde tivo unha grande acollida.
O venres 19 será o turno para o Grupo de Teatro do IES Vilar Ponte de Viveiro que representarán a partires das oito e media a obra Comedia bífida de M. Núñez Singala.
Tres sombreros de copa de Miguel Mihura, un clásico da escena española do século pasado, é o título da obra que se poderá ver o sábado 20 e que porá en escea o Grupo de Teatro San Tirso del Eo.
E o domingo 21 de setembro VALACAR (o Grupo de Teatro da ONCE) representará Enderezo descoñecido, unha adaptación da novela homónima de Kressman Taylor.
O horario de todas as representacións será ás oito e media da tarde. Desde a Concellaría de Cultura de Ribadeo agardan "ver o Hernán Naval con moito público nestes catro días nos que ademáis a entrada vai ser de balde".

20080816 sobre a rota do tren mineiro

2008-09-19T11:37:00.000-07:00

COSTAS DESTINA 150.000 EUROS Á REDACCIÓN DO PROXECTO PARA A RECUPERACIÓN DA RUTA DO TREN MINEIRO ENTRE RIBADEO E TRABADA. O ALCALDE AMOSÁSE SATISFEITO POR ESTE ANUNCIO.
Ribadeo, 16 de setembro de 2008. O alcalde de Ribadeo, Fernando Suárez, informou onte no pleno aos membros da Corporación Municipal, do compromiso de Costas para proceder á recuperación da ruta do tren mineiro entre Ribadeo e Trabada "xa que xa ten aprobado un orzamento de preto de 150.000 para a redacción do proxecto. Trátase dunha ruta magnífica e será unha das mellores sendas verdes de todo o estado".
O rexedor lembra que esa ruta "estivo en funcionamento desde o ano 1905 ata o 1964 e desde entón, sobre todo nos tramos de Ribadeo… hai algúns que son públicos e outros non. A intención do Ministerio de Medio Ambiente é facer ese proxecto expropiando os terreos que faga falla para darlle continuidade e poder empatar estes tramos que faltan entre Ribadeo e Trabada cos que xa están feitos en San Tirso de Abres e A Pontenova". Fernando Suárez engade que "falamos dunha realidade en non moito tempo. Desde o punto de vista turístico será posible que alguén que queira ir camiñando ou en bicicleta entre Ribadeo e A Pontenova o poida facer a través dunha paisaxe maravillosa ás beiras da ría de Ribadeo e despois subindo ás beiras do río Eo. É algo que nos colma de satisfacción e que amosa a sensibilidade dos responsables de Costas con esta ruta que une dúas comunidades: Galicia e Asturias".
Galescola
No pleno de onte, aprobóuse cos votos a favor do BNG, PSOE e UPRI e os votos en contra do PP, a ratificación definitiva do acordó de cesión dunha parcela municipal á Xunta para a construcción dunha galescola para nenos de 0 a 3 anos. Fernando Suárez explica que "pasou o período de exposición pública e non houbo alegacións e agora só resta que se adxudique o proxecto e as obras agardamos que se inicien en breve, si é posible a principios de 2009, para que Ribadeo non só poida manter a escola infantil que xa está a funcionar desde hai tempo, senón que contará con outra que cubrirá a demanda de prazas existente na actualidade".

20080915 convenio novo albergue de peregrinos

2008-09-16T01:46:00.000-07:00

O ALCALDE AVOGA POR POÑER EN VALOR A RIQUEZA QUE TEN RIBADEO NO SEU CASCO VELLO E AGRADECE A INDUSTRIA E A BISPADO O ESFORZO PARA CONVERTIR O ANTIGO COLEXIO DAS MONXAS EN ALBERGUE DE PEREGRINOS.
Ribadeo, 15 de setembro de 2008. O alcalde de Ribadeo, Fernando Suárez, agradecéulles á Consellería de Industria e ó Bispado de Mondoñedo os esforzos realizados para tentar convertir o antigo colexio das monxas ubicado na rúa Trinidad nun albergue de peregrinos. Unha actuación que suporá a creación de 40 novas prazas que se unen ás xa existentes no outro albergue que ten Ribadeo. A actuación a realizar contará cun investimento de 1,2 millóns de euros, e "agardamos que esta instalación estea lista para o Xacobeo 2010", segundo asegurou o conselleiro de Innovación e Industria, Fernando Blanco.
O rexedor dixo que "será un dos mellores e máis importantes albergues de todos os camiños, porque a Consellería de Innovación e Industria e Fernando Blanco saben que Ribadeo ten un grande potencial turístico que ainda está por descubrir. Este departamento xa nos apoio en iniciativas que levamos adiante hai uns meses con Feve poñendo en marcha ese paquete turístico que trouxo á nosa vila e a toda esta zona a centos de asturianos durante o mes de xuño; tamén nos axudaron coa edición dos folletos turísticos que fixemos de Ribadeo, Rinlo e Arante e coas obras que se están a realizar no casco vello".
O alcalde engadiu que "o casco vello é unha riqueza que hai que pola en valor". E lembrou que "o outro día máis de 30 turoperadores de todo o mundo puideron disfrutar da beleza de Ribadeo, da súa ría… algo moi bonito, pero ainda nos faltan cousas. Nós tomamos esto coma un reto e agardamos que a Corporación Municipal nos axude a impulsar todas as medidas que poñamos en marcha de cara ao Xacobeo de 2010 e para o PEPRI tamén, estou convencido de que así será".
E o Bispo de Mondoñedo, Manuel Sánchez Monge, avogou porque "a colaboración que vimos a manter desde hai tempo coa Xunta de Galicia continúe". Sobre o edificio que se vai rehabilitar o Bispo sinalou que "para a diócesis sempre foi un motivo de preocupación xa que se atopa nun estado cáseque ruinoso e había que buscar algún camiño, algunha saída para ese inmoble do século XVII".
Os traballos que se van desenvolver nese edificio, que conta cunha superficie duns 1.000 metros cadrados, permitirán compartir o espazo adicado a albergue e o uso da capela por parte do Bispado que podería destinarse a sala de exposicións ou de xuntanzas.
O Concello de Ribadeo acolleu esta mañá a sinatura dun convenio entre o Bispado de Mondoñedo, a Consellería de Industria e o propio Concello mediante o que a Igrexa lle cede á Xunta o edificio do antigo colexio das monxas que está ubicado en pleno casco vello ribadense para a súa conversión en albergue de peregrinos. Un acto ao que asistiron, o Bispo, Manuel Sánchez Monge; o conselleiro, Fernando Blanco e o rexedor, Fernando Suárez.

20080913 Feira da horta

2008-09-13T08:46:00.000-07:00

RIBADEO ACOLLE OS DÍAS 20 E 21 DE SETEMBRO A VI FEIRA DE PRODUCTOS DA HORTA.
Ribadeo, 12 de setembro de 2008. Ribadeo acolle os días 20 e 21 de setembro a VI Feira de Productos da Horta. Segundo explicou o alcalde, Fernando Suárez, "neste evento antes participaban Castropol e Ribadeo, pero a partires de agora será só Ribadeo. Con anterioridade a feira estaba financiada polo Leader que rematou e agora nós buscamos financiación na Consellería do Medio Rural para sufragar os 10.000 euros aproximadamente que ten de custe a feira".
O rexedor de Ribadeo asegura que se trata "dunha feira para poñer en valor os productos da horta, para poñer en valor o medio rural e para difundir estes productos de primeira calidade coa intención de que teñan un renome importante".
Entre as novidades figuran que "os participantes estarán vendendo os seus productos durante toda a fin de semana e non só os domingos pola mañá coma se facía nas anteriores edicións e haberá actividades nenos e maiores coma por exemplo unha exhibición de cociña en directo a cargo dun cociñeiro de renome, haberá concursos de cociña da horta, exhibición de arte en froitas…. Todo esto o sábado. E o domigo coma broche final haberá unha degustación popular con productos da horta que ceden os participantes e que serán preparados por restauradores de primeiro nivel. Os pratos serán servidos de xeito gratuito entre todo o público que se achegue a esa hora ao Parque de San Francisco", segue a contar Fernando Suárez.
O alcalde de Ribadeo di que "a pataca, a faba… contan con indicacións xeográficas protexidas o que está a amosar a importancia e a calidade dos productos e desde as administración debemos pular por darlles a máxima difusión posible. Eu convido a todos os veciños de Ribadeo, aos do resto da Mariña e tamén aos do Occidente asturiano a que se acheguen á nosa vila os días 20 e 21 de setembro a disfrutar desta importante cita".
Na VI Feira de Productos de Horta participan o Concello de Ribadeo, a Sociedade para o Desenvolvemento Comarcal, a Fundación Comarcal da Mariña Oriental e a asociación A Sucadoira.

20080905 dietas

2008-09-05T07:18:00.001-07:00

VICENTE CASTRO ASEGURA QUE FRANCISCO RIVAS GASTOU NO 2002 O DOBRE DO PRESUPOSTADO EN DIETAS ESTE ANO PARA O CONCELLEIRO DE MEDIO AMBIENTE.
Ribadeo, 4 de setembro de 2008. O edil de Economía e voceiro do BNG no Concello de Ribadeo, Vicente Castro, compara hoxe os gastos en dietas dos dous últimos anos de Francisco Rivas, coma concelleiro de Medio Ambiente, cos realizados ata o momento polo actual responsable deste departamento. Castro asegura que "imos comparar os anos 2002 e 2003 de Francisco Rivas, cos anos 2007 e 2008 de Horacio Cupeiro. No ano 2002 o Sr.Rivas cobrou en dietas o dobre do presupostado neste 2008 para o concelleiro de Medio Ambiente, e no ano 2003 que tamén foi ano de eleccións coma o pasado para un período igual de medio ano Paco Rivas cobrou cáseque o triple do gastado por Cupeiro".
Segundo os datos que manexa Vicente Castro, no 2002 (ano completo) Francisco Rivas cobrou en concepto de dietas 4.473 euros e para este 2008 o concelleiro de Medio Ambiente ten presupostados 2.300 euros. E no ano 2003 (ano de eleccións) de xaneiro a maio Francisco Rivas percibiu en dietas 3.304 euros, namentras que no 2007 (tamén ano de eleccións) por outro medio ano, Horacio Cupeiro cobrou en dietas 1.300 euros.
Castro di que eses son os datos que están á vista do Sr.Rivas e de quen os queira comprobar. E ao respecto das dietas do alcalde e do resto da Corporación Municipal que tanto traen de cabeza ao Sr.Rivas e que segundo él están disfrazadas, teño que decir que con cargo a esa partida o Sr.Rivas cobrou en xaneiro deste ano por unha viaxe a Madrid e por anticipado gastos de kilometraxe que non fixo no seu vehículo xa que viaxou de acompañante dun coñecido promotor desta vila. Esa é a moral coa que o Sr.Rivas fala de dietas".

20080904 dietas

2008-09-05T07:18:00.000-07:00

VICENTE CASTRO ASEGURA QUE FRANCISCO RIVAS GASTOU NO 2002 O DOBRE DO PRESUPOSTADO EN DIETAS ESTE ANO PARA O CONCELLEIRO DE MEDIO AMBIENTE.
Ribadeo, 4 de setembro de 2008. O edil de Economía e voceiro do BNG no Concello de Ribadeo, Vicente Castro, compara hoxe os gastos en dietas dos dous últimos anos de Francisco Rivas, coma concelleiro de Medio Ambiente, cos realizados ata o momento polo actual responsable deste departamento. Castro asegura que "imos comparar os anos 2002 e 2003 de Francisco Rivas, cos anos 2007 e 2008 de Horacio Cupeiro. No ano 2002 o Sr.Rivas cobrou en dietas o dobre do presupostado neste 2008 para o concelleiro de Medio Ambiente, e no ano 2003 que tamén foi ano de eleccións coma o pasado para un período igual de medio ano Paco Rivas cobrou cáseque o triple do gastado por Cupeiro".
Segundo os datos que manexa Vicente Castro, no 2002 (ano completo) Francisco Rivas cobrou en concepto de dietas 4.473 euros e para este 2008 o concelleiro de Medio Ambiente ten presupostados 2.300 euros. E no ano 2003 (ano de eleccións) de xaneiro a maio Francisco Rivas percibiu en dietas 3.304 euros, namentras que no 2007 (tamén ano de eleccións) por outro medio ano, Horacio Cupeiro cobrou en dietas 1.300 euros.
Castro di "que eses son os datos que están á vista do Sr.Rivas e de quen os queira comprobar. E ao respecto das dietas do alcalde e do resto da Corporación Municipal que tanto traen de cabeza ao Sr.Rivas e que segundo él están disfrazadas, teño que decir que con cargo a esa partida o Sr.Rivas cobrou en xaneiro deste ano por unha viaxe a Madrid e por anticipado gastos de kilometraxe que non fixo no seu vehículo xa que viaxou de acompañante dun coñecido promotor desta vila. Esa é a moral coa que o Sr.Rivas fala de dietas".

Nota

2008-09-04T00:25:00.000-07:00

Non sei por que varias das anteriores entradas están cortadas. O caso é que borrei a información 'orixinal' e non podo corrixilas. Tentarei facelo mellor para que se vexa a nota enteira.

20080903 ascensor atalaia

2008-09-03T12:12:00.000-07:00

AS OBRAS DO ASCENSOR DA ATALAIA NAS QUE COSTAS INVISTE 1,4 MILLÓNS DE EUROS TEÑEN UN PRAZO DE EXECUCIÓN DE 10 MESES.
Ribadeo, 3 de setembro de 2008. Onte comenzaron as obras de instalación do ascensor da Atalaia que acomete a Dirección General de Costas coa aportación íntegra de 1,4 millóns de euros e un prazo de execución de 10 meses. O alcalde de Ribadeo, Fernando Suárez, asegura que "a parte do que é a súa construcción que suporá a conexión da Atalaia co paseo marítimo e que estamos diante dunha infraestructura de índole bastante turística hai que destacar o engadido que trae consigo e que suporá a urbanización dunha zona moi importante de Ribadeo. Váise urbanizar o Calexón dos Perigos, a rúa Bispo Vérez e o entorno da Atalaia que estaba un tanto esquecido. Serán unhas obras que modificarán para ben a apariencia estética desa zona da nosa vila".
O rexedor engade que "será normal a partires de agora ver o movimento desas obras. Segundo Dragados que é a empresa que as realiza nalgún momento terán que cortar algún carril do paseo marítimo, pero eso será para máis adiante, porque agora están limpando o talude e despois chegará o replanteo e o resto de cuestións máis estructurais para proceder á instalación do ascensor. Téñolles que pedir disculpas aos veciños polas molestias que poidan ocasionar estas obras".

20080903 nenos saharahuis

2008-09-03T12:11:00.000-07:00

O ALCALDE OFRECEU UNHA RECEPCIÓN AOS NENOS SAHARAUIS QUE PASARON O VERÁN CON FAMILIAS RIBADENSES.
Ribadeo, 3 de setembro de 2008. O alcalde de Ribadeo, Fernando Suárez, ofreceu esta mañá unha recepción no Concello aos nenos saharauis que pasaron o verán con familias ribadenses "que en moitos casos repiten ano tras ano con esta labor solidaria e de axuda a este pobo".
O rexedor di que "se trata dun pobo ocupado desde hai anos por Marrocos e pendentes das resolución das Nacións Unidas para que poidan ter o seu territorio propio, autónomo e dispoñer libremente en pé de igualdade. Mentras eso non sexa así o Frente Polisario desde hai moitos anos e con moitos concellos españois está a facer unha labor de intercambio ou de traer a nenos que nunca viron máis que tendas de campaña no medio dun deserto en Tinduf e ofrécelles a posibilidade de que poidan ver outra civilización, outro mundo…".
Fernando Suárez engade que "estes nenos estiveron aquí en Ribadeo varias semanas e puideron coñecer a noso Concello e a nosa comarca. Desde o Concello humildemente costeamos unha viaxe en tren a Viveiro para eles e para as súas familias e hoxe convidámolos a este acto, a esta recepción protocolaria no Concello na que lles desexamos boa viaxe de retorno e lles dixemos que Ribadeo os acollerá de novo cos brazos abertos en anos vindeiros".

20080901 circulación en Augas Santas

2008-09-02T09:55:00.000-07:00

O ALCALDE DE RIBADEO ESTÁ SATISFEITO CO CAMBIO DE SINALIZACIÓN QUE SE PRODUCÍA ESTA FIN DE SEMANA NAS INMEDIACIÓNS DA PRAIA DAS CATEDRAIS. AGORA XA É POSIBLE CIRCULAR EN ÁMBOLOS DOUS SENTIDOS ENTRE REINANTE E ESE AREAL.
Ribadeo, 1 de setembro de 2008. O alcalde de Ribadeo, Fernando Suárez, alégrase do cambio de sinalización que se producía esta fin de semana nas inmediacións da praia das Catedrais, xa que agora é posible circular en ámbolos dous sentidos entre Reinante e ese areal. Suárez asegura que "é o resultado ao das xestións feitas tanto coa Deputación Provincial de Lugo como sobre todo coa Garda Civil a nivel provincial, dado que desde había un tempo desde o Concello conseguimos un aparcamento temporal para resolver o problema de estacionamento na praia das Catedrias, suxerimos que se prohibira aparcar nas beiras da estrada da costa xa que sería totalmente improcedente a prohibición de circulación nun dos sentidos, polo tanto poderíase circular nos dous sentidos e agora despois de que nos estimaron esta recomendación, a Garda Civil provincial víuno ben e o titular da vía, a Deputación Provincial de Lugo, estimou cambiar a sinalización ao final desta época estival".
O rexedor de Ribadeo engade que "ainda que sexa ao final da temporada de verán, polo menos podemos xa prever que para o ano que ven non vamos ter estes problemas que tivemos nos últimos anos. Pero eu como alcalde de Ribadeo e coa responsabilidade de ter na praia das Catedrais un doso maiores reclamos turísticos non só de Ribadeo, nin de toda a comarca senón de todo o país, estamos traballando agora, xa no remate da temporada estival, para facer un memorándum das cousas que deben estar melloradas e preparadas para a nova temporada, a do ano 2009".
Referente que excede a competencia municipal
Fernando Suárez considera que "a praia das Catedrais é un referente que xa excede moito a competencia municipal e é algo no que todas as administracións deben poñer ou su apoio e o seu grao de area porque é algo que si segue así pode chegar a morrer de éxito. Decíame un socorrista non hai moito tempo que nun dia de agosto nunha hora punta puido contar unhas 6.000 persoas que accedían a ese areal nun pequeno anaco de tempo. Esta masificación pode chegar a deteriorar este entorno, polo tanto hai que tomar medidas de tipo medio ambiental, turístico, desde Costas, desde o Ministerio de Medio Ambiente, desde a Xunta, desde a Deputación Provincial de Lugo, desde o punto de vista turístico e tamén para a ampliación do vial da costa, que leva tanto tempo demorada.Polo tanto eu como alcalde emprazarei nunhas datas próximas para preparar con calma o que vai ser a nova temporada das Catedrais para o ano que ven. Xa anuncio que convocarei en tempo n forma a representantes das tres administración: Estado, Xunta e Deputación".
Instalación dunha oficina de turismo
Desde o Concello "queremos estudiar a posibilidade de poñer unha oficina de turismo, ainda que sexa temporal, para dar informacion aos milleiros e milleiros de persoas que se achegan a ese areal para explicarlles as posibilidades desde o punto de visto xeolóxico, turístico, ambiental etc….. as virtudes que ten esa praia. É unha responsabilidade que excede a regulación do tráfico, é algo que debemos analizar entre todos, porque este areal non só é patrimonio dos ribadenses senón de todos os galegos".

2000901 Dietas e UPRi

2008-09-02T09:54:00.000-07:00

O CONCELLEIRO DE ECONOMÍA AFIRMA QUE O VOCEIRO DA UPRI ESTÁ OBSESIONADO COAS DIETAS DO EQUIPO DE GOBERNO.
Ribadeo, 1 de setembro de 2008. O concelleiro de Economía e voceiro do BNG, Vicente Castro, considera que .
Castro lémbralle ao voceiro da UPRI que .
O edil de Economía engade que .

20080829 baldeo

2008-09-02T04:42:00.001-07:00

-Nota recibida o martes 2/9/2008-
O CONCELLO BALDEARÁ E LIMPARÁ AS RÚAS PEATONAIS O VINDEIRO LUNS.
Ribadeo, 29 de agosto de 2008. O Concello de Ribadeo baldeará e limpará con rodillos as rúas peatonais. "Tarefas que se realizarán cun camión especial que nos cede de xeito gratuito a empresa Urbaser", explica Horacio Cupeiro, edil responsable de Medio Ambiente.
O concelleiro nacionalista tamén lles pide aos propietarios de cans que cumpran co bando do Concello sobre a recollida dos excrementos das súas mascotas, "xa que estamos a recibir moitas queixas sobre este comportamento. De seguiren así os propitarios con estas actuacións verémonos na obriga de sancionalos".
Horacio Cupeiro engade que "tamén quero aproveitar para pedirlle aos veciños que colaboren coa recollida selectiva e depositen o lixo en bolsas pechadas xa que os contedores non se poden estar lavando todos os días como é o caso dalgúns lugares onde día tras día temos que ir limpalos porque emiten un cheiro impresionante. Nós lavamos os contedores unha vez ao mes e algún, como digo, a diario, pero o Concello non dispón de persoal para poder realizar todos los días estes traballo. Algo que se solucionaría coa súa colaboración e como dicía si despositasen o lixo en bolsas pechadas".

20080825 contedores Rinlo

2008-08-29T04:07:00.000-07:00

RINLO ESTREA ESTES DÍAS CONTEDORES SOTERRADOS PARA A RECOLLIDA DO LIXO, O VIDRO E O CARTÓN.
Ribadeo, 25 de agosto de 2008. Rinlo estrea estes días contedores soterrados para a recollida do lixo "son tres de orgánico, 3 de selectiva, 1 de vidro e 1 de cartón que están ubicados no porto", segundo explica o concelleiro de Medio Ambiente, Horacio Cupeiro, que engade que "trátase de velar pola imaxe deste pobo ribadense ao ser un punto emblemático desde o punto de vista turístico".
Esta actuación non supuxo ningún desembolso para o Concello de Ribadeo "a pesares de que o investimento realizado ascende a uns 30.000 euros", segue a contar Cupeiro. O edil nacionalista de Medio Ambiente anuncia que "o Concello está a estudar a instalación de máis contedores soterrados noutros lugares de Ribadeo. Os de Rinlo son os segundos cos que conta o municipio".
Horacio Cupeiro agarda que "os rinlegos saiban apreciar esta xestión e tamén que fagan un bó uso dos contedores que están ubicados nun punto estratéxico de Rinlo coma é o paseo marítimo. Aproveito a ocasión para invitar aos veciños do Concello a que depositen o lixo de xeito selectivo xa que é unha boa maneira de defender que os ribadenses estamos implicados co medio ambiente".

20080826 desbroce

2008-08-29T04:05:00.000-07:00

O CONCELLO PROCEDE ESTES DÍAS AO DESBROCE DAS PISTAS DE VARIAS PARROQUIAS. UNS TRABALLOS NOS QUE INVISTE 11.300 EUROS.
Ribadeo, 26 de agosto de 2008. O Concello de Ribadeo está a desbrozar de novo estes días as pistas de varias parroquias. "Uns traballos que realizan os dous tractores cos que contamos", explica o edil de Medio Ambiente. Horacio Cupeiro asegura que "todos sabemos que éste foi un ano de moita choiva e que a pesares de que o noso tractor non parou a maleza das cunetas recentemente cortada xa volta a estar alta. Polo tanto con este novo vehículo co que estamos a traballar imos facer sobre 90 hectáreas de superficie. Os veciños, sobre todo do campo, entenden que o ano foi malísimo para a herba por tanta choiva, xa que estivo a chover moitísimo desde o 7 de maio ata mediados de xuño".
O concelleiro delegado de Medio Ambiente cre que "se está a notar que o tractor non para e está mañá e tarde a traballar. Non nos da tempo a taluzar polo momento xa que son uns 1.000 kilómetros de pistas aproximadamente os que imos adecentar. A subvención que temos é solo para a realización de traballos nas pistas da concentración parcelaria, xa que non podemos entrar polo monte. A partires do vindeiro mes tentaremos conseguir outra partida económica para completar estas tarefas". Horacio Cupeiro está satisfeito "das felicitacións que estamos a recibir nas parroquias por estes traballos que estamos facendo".
O Concello inviste no desbroce das pistas de varias parroquias 11.300 euros.

20080827 Orzamentos

2008-08-28T11:58:00.000-07:00

SATISFACCIÓN DO EQUIPO DE GOBERNO TRAS A APROBACIÓN DOS ORZAMENTOS PARA ESTE 2008 QUE ASCENDEN A 9,9 MILLÓNS DE EUROS.
Ribadeo, 27 de agosto de 2008. O equipo de goberno do BNG amósase satisfeito tras a aprobación inicial dos orzamentos municipais para este 2008, cos seus votos e os do PP. PSOE e UPRI abstivéronse. O edil de Economía, Vicente Castro, asegura que "coa aprobación do orzamento damos un gran paso adiante polo que supón darlle cobertura a unha serie de investimentos que son importantes para Ribadeo xa que contan con financiamento de outras institucións e corrían o risco de perderse".
Castro engade que "dende o grupo de goberno demos a oportunidade aos demais grupos a facer aportacións e a participar na elaboración do presuposto. Aínda que se aproba con un gran parte do ano xa avanzada, nel xa desde principio de 2008 foron participando todos os grupos, porque se levaron a plenos e xuntas de goberno temas e investimentos que todos decidiron. Dende ese momento supón participación dos demais grupos porque están decidindo aportación de fondos do Concello para distintas inversións que hai que recoller no orzamento. Nós demos a oportunidade aos demais grupos a facer aportacións nunha primeira comisión; algúns deles fixéronas, uns máis que outros, i é de agradecer algunhas das aportacións feitas porque son positivas. Así seguiremos facendo en vindeiros exercicios".
O concelleiro delegado de economía agradece "a todos os grupos, evidentemente a uns máis que a outros, a sua postura á hora de facilitar que estes orzamentos saíran adiante polo que supón para este exercicio e para Ribadeo".
Compromiso do alcalde
Pola súa banda, o alcalde de Ribadeo, Fernando Suárez, valora se xeito positivo que "o orzamento fose amplamente aprobado onte. Recalcar que este presuposto ten que asumir un remanente negativo do ano 2006 duns 660.000 euros e ten que resolver unha serie de malas contabilidades de anos anteriores, pero o máis importante e que ten que dar cabida a importantes inversións con outras administracións pero nas que o Concello de Ribadeo ten que poñer unha parte menor pero importante para que puideran ir adiante unha serie de obras desde o punto de vista das infraectructuras moi importante: obras no casco vello, obras na rúa Calvo Sotelo e noutros puntos do Concello, así coma a renovación de maquinaria e instrumentos de traballo e de seguridade pública moi importantes coma o novo camión da recollida do lixo, o novo camión de incendios co que imos ser un referente na Mariña e o novo vehículo para a policía local. Por decir unha síntese moi pequena de todas as virtudes que ten este presuposto".
Fernando Suárez engade que "o goberno municipal de Ribadeo que formamos catro persoas, como sabemos cales son precisamente os nosos límites e ata onde podemos chegar e a onde non, o que facemos é dialogar con todo o mundo. Eu pendo que é a primeira vez na historia na que fixemos dúas comisións informativas previas ao pleno. Outra cousa é que haxa determinados grupos que vaian alí, non abran a boca en absoluto e logo digan que non empregamos o método axeitado, que non dialogamos e non falamos; eso é unha absoluta mentira. Estamos xa un pouco fartos de determinados tópicos porque dous non falan si un non quere. O goberno municipal de Ribadeo sabe que debe falar con todo o mundo. Unha cousa é falar e outra chegar a acordos. Si chegamos a acordos é porque alguén enriba da mesa con luz e taquígrafos, no marco dunha comisión informativa no Concello e non na barra dun bar, fan propostas que nos decidimos estimar nunha parte moi importante e outras que non se puideron asumir, o que serviu para que o orzamento municipal de 2008 saise adiante".
O alcalde anunciou que a partires de agora "hai que velar para que os compromisos de inversión de vaian cumprindo no que queda de ano. Ademáis adquiro o compromiso de que o presuposto de 2009 debe ser aprobado con moita máis antelación que este, a ver si somos capaces de chegar a un acordo para aprobalo no primeiro trimestre do vindeiro ano".
O orzamento de ingresos do Concello de Ribadeo para este 2.008 é de 9,9 millóns de euros e o de gastos é de 9,3 millóns de euros. Aparece un superávit de 660.000 euros para facer fronte ao remanente negativo das contas do ano 2006. Trátase do orzamento máis elevado da historia de Ribadeo. A inversión destínase máis de 1,8 millóns de euros, e a gastos de persoal o 40% do orzamento.

Sobre este blog

2008-08-25T13:28:00.000-07:00

Unha nota sobre o blog: as notas de prensa son pasadas de segunda man e ás veces chegan tarde. A data que se pon no título é o día no que foron xeradas, non o día que chegaron ás miñas mans.

20080822 diversión o fin de semana

2008-08-22T13:31:00.000-07:00

RIBADEO VIVE UNHA FIN DE SEMANA CHEA DE ACTUACIÓNS MUSICAIS
Ribadeo, 22 de agosto de 2008. Ribadeo vive unha fin de semana chea de actuacións musicais. Hoxe a partires das seis da tarde haberá pasarrúas a cargo de varios grupos folk e pola noite no aparcadoiro da rúa Rosalía de Castro terá lugar un concerto no que participarán catro grupos, entre os que destaca Siniestro Total.
Mañá sábado ás oito e media da tarde no Parque de San Francisco, no palco da música, terá lugar o concerto do grupo de rock ribadense Beetle Judge e o domingo pola tarde no Auditorio de Cabanela ás sete e media actuará Experimenta Danza "trátase dun espectáculo de danza no marco incomparable da ría de Ribadeo e o noso peirao", destaca Mariluz Álvarez Lastra, concelleira de Cultura.
E tamén o domingo 24 de agosto ás dez da noite no Cantón será o momento de escoitar ao grupo vasco Tirri Tarra que actuará acompañado da Coral Polifónica de Ribadeo "no que será un espectacular concerto sinfónico totalmente diferente aos que estamos acostumados a ver", engade Mariluz Álvarez. A edil nacionalista convida "aos veciños de Ribadeo, aos do resto da Mariña e do Occidente Asturiano e aos visitantes que nos acompañan estes días a que se acheguen a disfrutar dalgúns destes espectáculos que temos nesta forte fin de semana en Ribadeo".

20080822 pleno orzamentos

2008-08-22T13:30:00.000-07:00

O ALCALDE CONVOCOU O PLENO DOS ORZAMENTOS DE 2008 PARA O VINDEIRO MARTES 26 DE AGOSTO ÁS OITO DA TARDE.
Ribadeo, 22 de agosto de 2008. Os orzamentos de Ribadeo para 2008 irán a pleno o vindeiro martes 26 de agosto ás oito da tarde, segundo a convocatoria asinada polo rexedor, Fernando Suárez. Na Comisión de Economía e Facenda celebrada esta mañá "os presupostos foron informados de xeito favorable cos votos do BNG, namentras que os partidos da oposición: PP, PSOE e BNG abstivéronse e reservan o seu voto e a súa decisión para ese pleno do martes", segundo explica o concelleiro de Economía, Vicente Castro.
O equipo de goberno presentou unha modificación dos presupostos "na que asumimos e contemplamos parte das propostas realizadas polo PP e por UPRI, porque o PSOE non presentou ningunha. Tamén retocamos algunhas partidas de motu proprio despois de realizar un pormenorizado estudo xunto coa interventora municipal e logramos rebaixar os orzamentos nuns 260.000 euros, unha cifra que se aproxima á plantexada na pasada comisión polos populares", engade Vicente Castro.
O edil nacionalista lembra a importancia da aprobación destes presupostos que rondan os 9,9 millóns de euros "xa que están previstas moitas inversións vinculadas a subvencións doutras administración e que se poden perder no caso de que non saisen adiante".

20080821 Exposición percorridos

2008-08-22T01:24:00.000-07:00

O FORTE DE SAN DAMIÁN ACOLLE ATA O 31 DE OUTUBRO A EXPOSICIÓN PERCORRIDOS.
Ribadeo, 21 de agosto de 2008. Chega a Ribadeo a exposición Percorridos que poderá verse no Forte de San Damián ata o 31 de outubro. Segundo explica a comisaria da exposición, Neves Paz, "a parte que se atopa en Ribadeo, porque Percorridos está en tres concellos da Mariña, móstranos a escultura de Quique Guerra, de Chus Lage e de Otero Regal; a pintura de Celso Dourado e a fotografía de Toni Deaño, Fernando Fernández Páez e Diego Casado, entre outros".
Paz destaca que "por primeira vez no Forte de San Damián temos tres instalacións moi diferentes: a de Neira Broch que utiliza o vidro, a de Carmen Llonín que emprega materiais da natureza para facer esculturas e a da artista de Ferreira, Mar Vicente, que fai unha utilización sobre todo do xogo que provocan as luces de neón".
A exposición terá un horario máis amplo no Forte de San Damián ata as festas patronais e despois xa será máis reducido. Os interesados en visitala poden facerse cos folletos informativos editados polo Xacobeo nas mesmas instalacións. Neves Paz anuncia que "a partires de mediados de setembro váise convocar aos centros de ensino para ofrecerles visitas guiadas e obradoiros aos escolares".

20080821 Comisión de economía e facenda: orzamentos

2008-08-22T01:23:00.000-07:00

O ALCALDE CONVOCOU PARA MAÑÁ UNHA NOVA XUNTANZA DA COMISIÓN DE ECONOMÍA E FACENDA NA QUE SE ESTUDIARÁN OS ORZAMENTOS DE 2008.
Ribadeo, 21 de agosto de 2008. O alcalde de Ribadeo, Fernando Suárez, convocou para mañá venres ás 12 da mañá, unha nova xuntaza da Comisión de Economía e Facenda, na que se analizarán os orzamentos municipais de 2008. A ese encontro o equipo de goberno levará unha modificación dos presupostos na que estarán incluidas algunhas das propostas plantexadas estes días polos grupos da oposición.
Hai que lembrar que o luns celebróuse unha Comisión de Economía e Facenda na que os grupos da oposición se amosaron en contra da proposta de orzamentos plantexada polo BNG. Nese encontro o equipo de goberno do Concello déulle un prazo aos outros partidos políticos para presentar os seus plantexamentos que foron analizados ao longo destes días.

20080821 Peche aparcadoiro

2008-08-22T01:22:00.000-07:00

DESDE O PASADO MARTES O CONCELLO DE RIBADEO MANTÉN PECHADO DE NOVE DA NOITE A NOVE DA MAÑÁ O APARCADOIRO PROVISIONAL DAS CATEDRAIS.
Ribadeo, 21 de agosto de 2008. O concelleiro de Medio Ambiente, Horacio Cupeiro, anuncia hoxe que "desde o martes 19 de agosto estamos a pechar todos los días pola noite o aparcadoiro provisional das Catedrais para todo tipo de vehículos entre as nove da noite e as nove da mañá. Unha decisión motivada polo mal uso dalgúns autocaravanistas á hora de comportarse desde o punto de vista medio ambiental. Algúns non cumprían con moitas das normas de acampada itinerante que consisten por exemplo en non facer uso de ningún elemento de cámping, abrir as ventás ou tender a roupa". Garda Civil e Policía Local informan estes días aos propietarios das autocaravanas do peche do aparcadoiro e convídanos a dirixirse aos lugares habilitados para eses vehículos na comarca.
Cupeiro engade que "por todo isto e por non correr o risco de que evacúen as augas grises ou os tanques sépticos neste lugar protexido vímonos obrigados a pechar este aparcadoiro. Desde o Concello entendemos que as autocaravanas teñen a mesma consideración que calquera vehículo, sempre e cando cumpran coas súas obrigas. Ainda que a normativa en España está transferida ás Comunidades Autónomas, ésta é bastante antiga a pesares de que a lexislación europea mediante a directiva 92/53 CEE orienta a facilitar a pernoctación das autocaravanas".
O delegado de Medio Ambiente asegura que "debido ao incremento deste tipo de vehículos, en Francia e en Italia xa lexislaron ao respecto dos aparcadoiros para autocaravanas, dándolles aos alcaldes a posibilidade de regulalo de forma motivada. Esperemos que nun futuro próximo nós poidamos dar acollida a este turismo cada día máis abundante e manter os nosos espazos protexidos con plena vitalidade medio ambiental".

20080819 sobre orzamentos

2008-08-20T00:19:00.000-07:00

O EQUIPO DE GOBERNO MODIFICARÁ OS ORZAMENTOS PARA 2008, NOS QUE INCLUIRÁ ALGUNHAS DAS PROPOSTAS PLANTEXADAS POLA OPOSICIÓN.
Ribadeo, 19 de agosto de 2008. O equipo de goberno no Concello de Ribadeo modificará os orzamentos de 2008 para incluir algunhas das propostas plantexadas pola oposición. A ese acordo chegaban na comisión informativa de economía e facenda que se celebraba onte pola tarde na Casa do Concello. O edil responsabile de Economía, Vicente Castro, explica que "se fixo unha proposta aberta para estudo e análise por parte dos diferentes grupos. O PP declarou a súa intención de votar en contra dos orzamentos namentras non se modifiquen ou inclúan novas partidas con algunhas das súas propostas". Castro engade que "tanto PSOE coma UPRI desvelarán si votarán a favor ou en contra no pleno dos orzamentos. Os socialistas de momento nin presentaron nin sabemos si van presentar propostas e UPRI comprometéuse a presentar xa no día de hoxe a súa proposta".
O concelleiro de Economía de Ribadeo asegura que "despois estudiaremos todo o que nos chegue xunto aos técnicos para presentar un novo orzamento e convocar a comisión de economía e facenda dentro duns días".
Vicente Castro insiste en que "o orzamento é de vital importancia para Ribadeo debido á grande cantidade de inversión que hai comprometida con presupostos vinculados a outras administracións e que se poderían perder senón saen adiante. Estamos dispostos a estudar as propostas que nos cheguen, sempre dentro dun límite razonable xa que haberá partidas que non poidan ter cabida e outras que non se poden modificar".
Os orzamentos de Ribadeo para 2008 rondan os 10 millóns de euros.

20080814 Concerto da coral e Tirri Tarra

2008-08-15T12:50:00.000-07:00

O GRUPO ORQUESTRAL VASCO TIRRI TARRA E A CORAL POLIFÓNICA DE RIBADEO FARÁN VIBRAR AO PÚBLICO NUN ORIXINAL CONCERTO PREVISTO PARA O 24 DE AGOSTO.
Ribadeo, 14 de agosto de 2008. O grupo orquestral vasco Tirri Tarra presentará o seu último traballo Luz negra en Ribadeo o vindeiro 24 de agosto ás dez e media da noite no Cantón do Moreno. A actuación contará coa participación da orquestra de corda Soto Voce de San Sebastián e coa colaboración especial da Coral Polifónica de Ribadeo que "será la encargada de darle voz a esta música", explica Igor Carballo de Tirri Tarra.
Carballo contou hoxe que "Tirri Tarra grabó un disco con el Orfeón Donostiarra en 2006 que ha tenido muy buena aceptación entre el público de todas las capitales vascas que hemos visitado en auditorios y plazas abiertas y también entre los medios de comunicación. La crítica bautizó esta música como un rock sinfónico porque se combinan instrumentos de una orquesta tradicional con instrumentos electrónicos como la guitarra eléctrica, los teclados, la batería….. Es una música que tiene mucha fuerza en el directo". Igor Carballo lembrou que "cuando se lo planteamos a la Coral Polifónica de Ribadeo se llevaron una sorpresa muy grande y al principio se asustaron un poco, pero les explicamos que llevamos dos años trabajando con corales de España y cual era la forma de trabajarlo. Ahora ya estamos realizando los ensayos que van muy bien y si el tiempo lo permite, el concierto del próximo 24 de agosto será muy especial y muy bonito para Ribadeo".
O concerto que patrocina Caixanova foi presentado esta mañá no Concello polo alcalde, Fernando Blanco, polo grupo Tirri Tarra e pola Coral Polifónica de Ribadeo.

20080814 Orzamentos

2008-08-15T12:49:00.000-07:00

O ALCALDE CONVOCA PARA O VINDEIRO LUNS 18 DE AGOSTO A COMISIÓN DE FACENDA E CONTAS PARA ANALIZAR E DEBATIR OS ORZAMENTOS DE 2008.
Ribadeo, 14 de agosto de 2008. O alcalde de Ribadeo, Fernando Suárez, convoca para o vindeiro luns 18 de agosto ás oito da tarde, a comisión informativa de Facenda e Contas para analizar a proposta de orzamentos de 2008. O concelleiro de Economía, Vicente Castro, asegura que "se trata dunha proposta aberta para estudar entre todos os grupos que compoñemos a Corporación Municipal co fin de que todos teñan a oportunidade de aportar a súa opinión sobre ditos orzamentos". Castro e o equipo de goberno do Concello insisten na "conveniencia da aprobación dos presupostos para garantir as importantísimas inversións a executar neste ano e que están vinculadas á financiación allea. Hai obras previstas en rúas do casco vello coma Calvo Sotelo, Amando Pérez ou Viejo Pancho; obras en camiños do medio rural con cargo ao POS da Deputación Provincial ou investimentos no parque móbil municipal para comprar o novo camión do lixo ou o dos incendios".
Vicente Castro estima que "é importante que o orzamento saia adiante, e que ainda que ven con certo retraso ven a atender as necesidades do Concello e a correxir deficiencias en materia de infraestructuras. Sen entrar moito en detalle no que se refire aos datos económicos concretos podo dicir que volta a ser un novo récord de presuposto polo que á contía se refire. E repito que o importante é que saia adiante polo ben de Ribadeo".

20080814 Desbroces pola Deputación

2008-08-15T12:48:00.000-07:00

O ALCALDE ENVIÓULLE UNHA CARTA AO DELEGADO DE OBRAS DE DEPUTACIÓN PARA QUE DE XEITO URXENTE REALICEN AS LABORES DE DESBROCE E LIMPEZA EN VARIAS ESTRADAS DE TITULARIDADE PROVINCIAL.
Ribadeo, 13 de agosto de 2008. O rexedor de Ribadeo, Fernando Suárez, envióulle unha carta ao delegado de Obras da Deputación de Lugo, Manuel Martínez para que se xeito urxente realicen as labores de desbroce e limpeza en varias estradas de titularidade provincial. Na carta Suárez Barcia di que "atopándonos xa no último tercio da temporada estival de 2008 esta alcaldía quere pór de manifesto que ata o de agora non se procedeu por esa Deputación Provincial á realización, coma noutras ocasións, das labores de desbroce e limpeza de cunetas en viarios de titularidade provincial dentro deste termo municipal de Ribadeo".
O alcalde engade que "é significativo e desde logo convirá conmigo que non é de recibo que chegadas estas datas, sobre todo nas zonas costeiras, en viarios que conducen ás praias na parroquia de A Devesa e na zona de Vilaselán, non se tivera adoptado ningunha resolución ao respecto ainda a pesares de ter falado sobre este asunto e de terme interesado en diversas ocasións. Por todo isto lle pregaría que con carácter urxente se adoptara unha solución ao respecto".
Fernando Suárez explica que farto de preocuparse por este asunto vía telefónica sin que ata o de agora se atenderan as súas peticións "vinme na obriga de enviarlle este escrito, porque ademáis hai que lembrar que o Concello non pode actuar nas estradas que dependen da Deputación de Lugo. Agardamos que a nosa petición sexa atendida canto antes".

20080812 Sobre autocaravanas

2008-08-15T12:44:00.000-07:00

O CONCELLO PROHÍBE O ESTACIONAMENTO DE AUTOCARAVANAS NAS CATEDRAIS ENTRE AS NOVE DA NOITE E AS NOVE DA MAÑÁ.
Ribadeo, 12 de agosto de 2008. O Concello de Ribadeo acaba de colocar sinais verticais para que as ducias de autocaravanas que chegan cada día ás Catedrais abandoen os aparcadoiros da zona ás nove da noite e se dirixan a pernoctar nos cámpings da zona. O concelleiro de Medio Ambiente, Horacio Cupeiro, asegura que "hai unha semana que habilitamos un novo aparcadoiro en Catedrais, Illas, Castros e Rinlo con autorización do director xeral de Conservación da Natureza ao pertencer á Rede Natura 2000".
Cupeiro engade que "no aparcadoiro das Catedrais que ten uns 12.000 metros cadrados estes días estamos a tomar medidas ao quedarse a pernoctar autocaravanas co perxuizo económico que eso supón para os cámpings da zona. O Concello está a tomar medidas en colaboración coa Garda Civil e coa Policía Municipal para regular estas incidencias. O que fan é convidar aos donos das autocaravanas a abandoar durante a noite o aparcadoiro, xa que desde hai uns días teñen unha sinal de prohibido aparcar alí entre as nove da noite e as nove da mañá".
O concelleiro de Medio Ambiente tamén lles pide aos cidadáns que visiten As Catedrais "que respecten as sinais verticais de dirección obrigatoria e que fagan uso do aparcadoiro provisional mentras quede espazo e que non o aparquen á beira da estrada. De tódolos xeitos estamos moi satisfeitos polo respecto dos visitantes hacia este monumento natural".

20080804 Música clásica

2008-08-09T13:16:00.000-07:00

CUN CONCERTO DE HOMENAXE A LEOPOLDO CALVO-SOTELO EMPEZA O DIA 8 O TERCEIRO FESTIVAL INTERNACIONAL DE MÚSICA CLÁSICA.
Ribadeo, 04 de agosto de 2008.- Os actos do terceiro Festival Internacional de Música Clásica, que se celebra en Ribadeo este mes, foron presentados hoxe no Concello. Empeza o día 8, venres, ás dez menos cuarto da noite con unha homenaxe a Leopoldo Calvo-Sotelo. O director do festival, Leopoldo Erice, ofrecerá un concerto de piano adicado a un gran melómano, como foi Calvo-Sotelo.
O segundo acto será o 10 de agosto, domingo, ás dez da noite con un concerto a cargo da mezzosoprano Mary Ann Hart e de Emile Naoumoff ao piano. Cinco das cancións que interpretarán son estreos mundiais e as outras cinco estreos en Europa, tal e como salientou o director do festival.
O venres, 15 ás dez da noite será o terceiro concerto, que correrá a cargo de do Trío Narciso Yepes que interpretará un recital de danza e música antiga española. E o concerto de clausura será o domingo 17 ás dez da noite co grupo Barcelona Barroc.
O III Festival Internacional de Música Clásica de Ribadeo terá por escenario o Auditorio Municipal Hernán Naval. O prezo das entradas que xa están disponibles na taquilla Caixa Galicia e o día dos concertos na propia taquilla do Auditorio será de 10,60 euros. Para os maiores de 65 anos e os menores de 18 o prezo será de 8,60 euros.
Na presentación do festival a concelleira de Cultura, Mari Luz Álvarez Lastra, salientou que este evento "é xa un referente na súa terceira edición" grazas á aportación económica da Fundación Caixa Galicia e á dirección artística de Leopoldo Erice. En representación da Fundación Caixa Galicia, Sinesio Pérez explicou que para esa entidade "a cultura en termos xerais, e a música en concreto, é unha das nosas responsabilidades, que levamos con tremendo gosto. Este terceiro festival internacional é unha mostra diso, pois para chegar a estos nivéis de profesionalidade e de importancia requírese a participación de máis dunha entidade". Sinesio Pérez tamén salientou que o Concello de Ribadeo "amosou sempre unha sensibilidade moi especial para temas culturais, e para a música en concreto", ó tempo que recoñeceu o "gran traballo" de Leopoldo Erice.

O director dixo que o festival ten un carácter moi didáctico coa intención de chegar a todo tipo de público. "Hay mucha gente que no se anima a ir a un concierto de música clásica, porque dice que no la entiende y nosotros pretendemos que eso vaya cambiando poco a poco con unas charlas muy amenas, en las que los propios músicos hablan de la música que van a interpretar".

20080808 festa percebe

2008-08-09T04:38:00.000-07:00

MAÑÁ CELÉBRASE A QUINTA FESTA DO PERCEBE DE RINLO. SERÁN MÁIS DE MIL KILOS OS QUE SE PORÁN Á VENDA AO PREZO DE 11 EUROS A RACIÓN.
Ribadeo, 8 de agosto de 2008. Mañá celébrase a quinta Festa do Percebe de Rinlo. Unha cita gastronómica na que se porán á venda máis de mil kilos deste marisco ao prezo de 11 euros a ración. A festa está organizada pola agrupación de mariscadoras de Rinlo coas que colaboran a Dirección Xeral de Turismo, a Consellería de Pesca e o Concello de Ribadeo.
O alcalde, Fernando Suárez, considera que "se trata dun auténtico revulsivo no que é a actividade lúdico-festiva e turística do verán en Ribadeo, polo que agardamos que mañá non sexan centos senón milleiros de persoas os que se acheguen a Rinlo tanto da Mariña luguesa coma do Occidente asturiano así coma os visitantes que temos entre nós para disfrutar deste evento".
O rexedor lembra que Rinlo "no pasado estivo vinculado á pesca de baleas e á pesca costeira e moitos dos seus homes estiveron enrolados na mariña mercante e agora destaca polo marisco e en concreto polo percebe".
A quinta Festa do Percebe de Rinlo dará comenzo sobre a unha do mediodía nunha carpa instalada no porto.

Nota prensa BNG 20080808 sobre o porto

2008-08-09T04:28:00.000-07:00

POLA MANTEMENTO E AUMENTO DA ACTIVIDADE DO PORTO
SEN AGRESIÓNS Á RÍA DE RIBADEO

Ribadeo naceu arredor dun porto nunha das beiras dunha ría que posibilitou ese porto natural. A día de hoxe ambos seguen a ser de grandísima importancia, nunha vila con eminente vocación comercial e de servizos. Non podemos prescindir de ningún dos dous, e o incremento da actividade portuaria debe respectar a Ría de Ribadeo.

Desde o Bloque Nacionalista Galego cremos que é posíbel manter e aumentar a actividade do porto comercial sen que iso supoña un atentado ao contorno natural e urbanístico. Neste momento o noso porto aínda pode incrementar o tráfico portuario, e se Portos de Galiza tivese verdadeiro interese dragaría a canle para permitir a entrada a barcos de máis calado.

Cremos que o Porto de Ribadeo é o máis axeitado para a carga de pasta de papel procedente da papeleira de Navia, aínda tendo en conta o futuro incremento de produción: é un porto limpo, está a pouca distancia e as tarifas son menores. Portos de Galiza debería preocuparse de sacar partido a todas as potencialidades que ofrece, en vez de promover os intereses dunha empresa particular que propón instalar unha nave que ocuparía unha superficie da ría equivalente á dun campo de fútbol, e cunha altura semellante á dun edificio de 8 andares. Quen vai crer que isto non ten impacto sobre a ría? Ou pensan en Portos de Galiza que a cuestión está só en disimulalo á vista?

O Bloque Nacionalista Galego de Ribadeo chama aos veciños e veciñas de Ribadeo a manifestarse contra o intento de levantar esta nave no porto e en favor dun desenvolvemento sostíbel e respectuoso co noso contorno natural e urbano.

Ribadeo, 8 de agosto de 2008

BNG DE RIBADEO

20080804 Lavado contedores

2008-08-05T13:17:00.000-07:00

URBASER E O CONCELLO VOLTAN A LAVAR ESTES DÍAS OS CONTENEDORES AMARELOS E OS DE ORGÁNICO.
Ribadeo, 4 de agosto de 2008. A empresa Urbaser procede de novo estes días ao lavado dos contenedores amarelos de Ribadeo, segundo informa o concelleiro delegado de Medio Ambiente, Horacio Cupeiro. O edil nacionalista engade que "tamén limparemos os de orgánico, grazas á colaboración de Urbaser que nos cedeu o camión lavacontenedores que utilizaremos con empregados do Concello para realizar estas tarefas estes días".
Horacio Cupeiro pide "unha vez máis a colaboración dos veciños de Ribadeo para que se absteñan de baixar o lixo ata ven entrada a tarde e que así Urbaser e nós o Concello poidamos limpar sen problema os contenedores do casco urbán ribadense".

20080804 nave porto

2008-08-05T12:57:00.000-07:00

O ALCALDE INSISTE EN QUE A PROPOSTA DE CONSTRUCCIÓN DUNHA NAVE INDUSTRIAL EN MIRASOL É INCOMPATIBLE CUN CRECEMENTO ORDENADO E RACIONAL DO CONCELLO.
Ribadeo, 4 de agosto de 2008. O alcalde, Fernando Suárez, insiste en que "desde a unanimidade da Corporación en Ribadeo sempre tivemos claro o que queremos para Ribadeo. E esta solución aportada por Portos de Galicia, con esa nave tan inmensa dun campo de fútbol de superficie e cunha altura duns 8 pisos, era incompatible absolutamente desde o punto de vista medio ambiental e desde o punto de vista do crecemento ordenado da vila, era incompatible co turismo e co que eso supón para o noso Concello coma fonte de riqueza….. estamos firmemente convencidos de que eso non podía ser tal e como Portos plantexaba a solución".
O rexedor ribadense engade "a modo de reflexión que si o Principado e Feve chegan a ese acordo para financiar os desvíos da liña de Feve para que as mercadorías poidan entrar no porto de Xixón e na factoría de Navia, habería que preguntarse en alto ¿Porqué Portos de Galicia e esta consellería levan desde hai meses dicindo que estaban facendo estudios para conectar a liña férrea cos portos de interés coma o de Ribadeo senón deron pasos moito máis ambiciosos e concretos coma os asturianos o teñen feito?".
Fernando Suárez engade "o que de todos é sabido. O porto comercial de Ribadeo é o que está a menor distancia da factoría Ence de Navia e é o porto que menores tarifas ten. Desde Ribadeo estamos convencidos de que esa proposta de nave industrial en Mirasol non podería ser compatible cun crecemento ordenado e racional do noso Concello".

20080808 festival internacional música clásica

2008-08-05T04:36:00.000-07:00

HOXE COMENZA O III FESTIVAL INTERNACIONAL DE MÚSICA CLÁSICA DE RIBADEO DE BACH E OS NOSOS DÍAS.
Ribadeo, 8 de agosto de 2008. Esta noite comenza en Ribadeo o III Festival Internacional de Música Clásica que se desenvolverá no Auditorio Municipal Hernán Naval ata o vindeiro 17 de agosto. Na xornada de hoxe váise render homenaxe ao ex presidente do Goberno, Leopoldo Calvo-Sotelo "ya que era un ribadense hasta la médula y un gran amante de la música clásica, de hecho vino a disfrutar con nosotros de las pasadas dos ediciones del festival", explica Leopoldo Erice, fundador e director do Festival e pianista profesional. Leopoldo Erice ofrecerá esta noite a partires das dez menos cuarto un recital de piano con obras de Johann Sebastian Bach "pero antes tendremos una pequeña charla explicativa sobre dicho recital, ya que hay mucha gente que dice que no acude a los festivales de música clásica porque no los entiende. La intención es acercar un poco la música también a través de la palabra a los que nos acompañen", engade Leopoldo Erice.
O domingo ás 10 da noite será o segundo concerto. Trátase dun recital de canto e piano de obras de Emile Naoumoff, que ofrecerá o propio pianista acompañado da mezzosoprano americana Mary Ann Hart.
O III Festival Internacional de Música Clásica de Ribadeo continuará os vindeiros 15 e 17 de agosto.

20080801 sobre nave na ría

2008-08-02T13:00:00.000-07:00

O ALCALDE PÍDELLE AO PRESIDENTE DE PORTOS DE GALICIA QUE NON INSISTA NA CONSTRUCCIÓN DUNHA NAVE CUBERTA NO PEIRAO COMERCIAL DE MIRASOL.
Ribadeo, 1 de agosto de 2008. O alcalde de Ribadeo, Fernando Suárez, dille ao presidente de Portos de Galicia que "pode vir a Ribadeo cando queira a facer cuestións do seu departamento como é lóxico, pero tamén creo que esto xa empeza a ser un pouco raiante o de aproveitar calquera cuestión para incidir nas bondades dun proxecto totalmente inapropiado non só para o porto senón tamén para Ribadeo. Fóra do ámbito de quen ten que dar a licencia de obra que é o Concello pois o presidente de Portos de Galicia, con tódolos meus respetos, non se está a comportar como debería coma administración que debe defender os intereses non só os concretos dunha empresa senón que ten que sopesar todo".
Suárez Barcia lembra que "a totalidade da Corporación de Ribadeo manifestamos de xeito unánime que non é aceptable e admisible a construcción dun mamotreto no porto comercial de Ribadeo encastrado no casco vello, e que ocupará unha superficie e un volumen brutal. Será coma un campo de fútbol e a súa altura será coma a dun edificio de 8 plantas. Entón por moito que veñan a matizar e a decir moitas cousas, eu quero anticiparme porque poden acusar ao Concello de non querer un desenvolvemento económico, e desde logo nosoutros vaia si queremos un desenvolvemento económico….. de aí que no día de onte désemos un paso de xigante para a construcción dun polígono industrial que sí que vai xenerar traballo e emprego de calidade, por iso imos poñer en marcha esa subestación eléctrica que tanta falla lle fai ao polígono de Ribadeo e a o propio Concello".
Canal da ría
O alcalde ribadense cre que "si Portos de Galicia quere mellorar a capacidade do porto o que debe facer é dragar o canal da ría de Ribadeo e debo reiterar que o peirao comercial de Ribadeo ten capacidade sobrada para soportar un incremento do tráfico de mercadorías, singularmente da pasta de papel que poida vir da factoría de Ence de Navia, sin necesidade de construir unha nave que desde logo vai contra todo criterio racional. Pode perfectamente incrementar as funcións de carga e descarga, pode soportar moito máis e desde logo si eso ten algunha limitación será a do número de barcos que poidan entrar nun día na ría de Ribadeo, pero eso é á marxe da creación dunha nave cuberta que a día de hoxe Portos de Galicia ainda non demostrou de xeito real cántas horas se perden ao ano en cuestión de carga e descarga por mor da chuvia". Fernando Suárez engade que "é a única xustificación que teñen para xustificar a construcción dun tinglado cuberto para protexerse das inclemencias do tempo. Esto non é a Amazonía, aquí cando chove escampa, e entón son poucas as horas ao ano nas que non se pode traballar por mor do mal tempo".
O rexedor dille ao presidente de Portos de Galicia que "si quere traballar por Ribadeo e quere facerlle un favor a esta vila que drague o canal da ría de xeito íntegro e que se poña a traballar en positivo. Tamén lle pido que cando pensen non só o fagan nos intereses concretos dunha empresa (moi lexítima por certo) xa que deben pensar en todo como o fai a Corporación que se preocupa polo desenvolvemento sostible, polo impacto paisaxístico, pola creación e destrucción de riqueza, polo turismo, pola ordenación do territorio e pola creación de postos de traballo".

20080801 sobre convenio para a Torre dos Moreno

2008-08-02T12:58:00.000-07:00

CONCELLO E CULTURA ASINAN UN PROTOCOLO DE COLABORACIÓN PARA LEVAR ADIANTE A REHABILITACIÓN DA TORRE DOS MORENO.
Ribadeo, 1 de agosto de 2008. A Consellería de Cultura e o Concello de Ribadeo asinaron esta tarde un protocolo de colaboración técnica e económica para proceder á rehabilitación da Torre dos Moreno. Una actuación que estará condicionada á aceptación por parte dos propietarios. Consistirá segundo Ánxela Bugallo "en consolidar a estructura do inmoble e a reparación das vigas e elementos horizontais que soportan o peso do edificio, inclúense obras na cuberta, nas fachadas exteriores e nos patios que dan ao interior do edificio e tamén o acondicionamento dos accesos ao inmoble e a restauración das baixantes principais".
A Consellería de Cultura asumirá o custe total das obras de restauración da Torre dos Moreno e o goberno local de Ribadeo establecerá contactos cos propietarios e encargaráse da vixianza e seguridade durante a realización dos traballos.
O rexedor, Fernando Suárez, amosóuse satisfeito con esta sinatura polo que suporá "para un edificio que levaba moito tempo esquecido, de feito as últimas actuacións datan de hai dez ou doce anos". Engadiu que se trata dun proceso complexo ademáis de polo deterioro do inmoble pola fragmentación da propiedade "xa que moitos dos propietarios se atopan en Madrid e en América e esa liña vital co paso dos anos séguese a fragmentar e complica máis esta situación". O alcalde comprometéuse a iniciar os contactos con eles "desde mañá mesmo para que este protocolo se converta en breve nun convenio con consignación presupostaria para realizar as obras". Fernando Suárez lembrou a importancia que ten para Ribadeo e para o resto do país "a Torre dos Moreno que é xunto coa praia das Catedrais un dos símbolos desta zona". O alcalde agradecéulle á conselleira de Cultura o esforzo realizado para asinar este protocolo "trátase dun día moi importante para o patrimonio histórico e cultural de Ribadeo".

20080731 sobre o convenio para a construcción dunha subestación eléctrica

2008-08-01T06:47:00.000-07:00

O ALCALDE CONSIDERA QUE A SUBESTACIÓN ELÉCTRICA QUE SE CONSTRUIRÁ NO POLÍGONO INDUSTRIAL SERÁ DETERMINANTE PARA O CRECEMENTO DO RIBADEO DOS VINDEIROS 30 OU 40 ANOS.
Ribadeo, 31 de xullo de 2008. O alcalde de Ribadeo, Fernando Suárez, amósase moi satisfeito tras o protocolo asinado este mediodía coa Consellería de Industria, con Begasa e coa SEPES que permitirá dotar de suministro eléctrico ao polígono industrial.
Na súa intervención o rexedor asegurou que "en todo este tempo, xa perdín a conta das voltas que demos, primeiro coa ubicación, logo coa cualificación dos terreos, logo coas utilidades públicas, a adquisición dos terreos e logo finalmente fomos víctimas dun crecemento urbanístico que non foi aparellado da mellora das infraestructuras de servizos básico como é o suministro eléctrico….. con todo esto o polígono industrial de Ribadeo levaba uns dous anos parado".
Fernando Suárez agradecéulle "o compromiso a todas as partes aquí presentes e fundamentais para que hoxe finalmente poidamos ver a luz ao final do túnel. Agradezo o compromiso con Ribadeo da Consellería de Industria a través do conselleiro, Fernando Blanco, do director xeral de Industria, Anxo Calvo e do delegado provincial, Ramón Cortés, que me tiveron que aturar durante este primeiro ano de mandato de xeito insistente, cada quince días con xuntanzas, viaxes a Santiago, a Lugo….. até que a finalmente hoxe podemos estar aquí".
O alcalde engadiu que "o que esta subestación eléctrica vai a supoñer non será só importante para o polígono industrial senón para todo o Concello e para o Ribadeo dos vindeiros 30 ou 40 anos xa que a potencia a instalar de 40 MVA excede a necesitada polo propio polígono que é de 5 MVA e ademáis suporá o desbloqueo dunha cascada de asuntos pendentes que coma consecuencia estaban bloqueados: a realización dos accesos a ese polígono industrial dos que se encargará a SEPES e a construcción dunha pequena terminal de carga para FEVE, que xa fora aprobada no seu día no Congreso a iniciativa do BNG".
--
A nota ía acompañada dun comentario que extracto:

Os datos máis relevantes son os seguintes: o investimento na subestación eléctrica será de 6 millóns de euros. Industria aporta 1,8 millóns; SEPES aporta 1,4 e Begasa 2,8 millóns de euros. Os proxectos, xestión de permisos e construcción das instalacións iniciaránse no ano 2008 e a execución das obras levaráse a cabo durante os anos 2009 e 2010.

Na intervención do presidente da SEPES, éste referíuse ao custe total que terá a posta en marcha do polígono industrial de Ribadeo. Serán en total, 10 millóns de euros. Haberá 50 parcelas para a instalación de empresas e teñen calculado que se poden crear 400 postos de traballo.

20080729 sobre a restauración dos Cocos

2008-07-30T01:06:00.000-07:00

OS COCOS E CABEZUDOS RESTAURADOS SAIRÁN Á RÚA O DÍA DE SAN ROQUE EN RIBADEO.

Ribadeo, 29 de xullo de 2008. A Concellaría de Cultura, en nome dos ribadenses, quere facer público o seu agradecemento ao labor dos veciños e das veciñas e dos establecementos comerciais da nosa vila que nestes días están a botar unha man na recuperación de cocos e cabezudos. A súa iniciativa fará posible que estas figuras luzan por primeira vez despois da súa rehabilitación o día de San Roque. Este recoñecemento fáise extensible tamén aos donos de figuras do entroido que foron doados ao Concello.

200820729 Nota sobre aparcamento en Augas Santas

2008-07-30T01:05:00.000-07:00

A PRAIA DAS CATEDRAIS CONTARÁ DESDE ESTA FIN DE SEMANA CUNHA NOVA ZONA DE APARCAMENTO DE 12.000 METROS CADRADOS.
Ribadeo, 29 de xullo de 2008. A praia das Catedrais contará desde a vindeira fin de semana cunha nova zona de aparcamento, segundo ven de confirmar o concelleiro delegado de Medio Ambiente, Horacio Cupeiro, "trátase dun terreo de 12.000 metros cadrados no que poderán aparcar entre 700 e 800 coches. O acordo co propietario pechámolo onte pola noite".
Cupeiro lembra que na praia das Illas se creará nunha zona de masa común outro aparcadoiro para medio cento de vehículos "e nos Castros contamos con outro terreo para que poidan estacionar uns 150 coches. Agora estamos a preparar un dos aparcadoiros de Rinlo con capacidade tamén para uns 150 coches que agardamos estará listo para a festa do percebe que se celebra o vindeiro 9 de agosto".
O edil de Medio Ambiente agradece "en nome do Concello a boa predisposición que atopamos nas Catedrais por parte do propietario do terreo para darlle unha solución a esta problemática dos aparcadoiros nese areal. E agardamos que desta medida se beneficien os turistas que visitan estas zonas ainda que sexa de xeito provisional, algo que intentaremos mellorar e adiantar de cara aos vindeiros veráns".

Nota de prensa 20080728 / aparcadoiros

2008-07-29T00:04:00.000-07:00

O CONCELLO CREA APARCADOIROS EN RINLO, AS ILLAS E AS CATEDRAIS PARA ACOLLER AOS CENTOS DE TURISTAS QUE SE ACHEGAN A RIBADEO NO VERÁN.
Ribadeo, 28 de xullo de 2008. O Concello de Ribadeo crea aparcadoiros en Rinlo, As Illas e As Catedrais para acoller aos centos de turistas que se achegan ao municipio nesta época estival. Segundo o edil de Medio Ambiente, Horacio Cupeiro, "estamos xa a traballar en Rinlo para crear aparcadoiros agora que se achega a celebración da festa do percebe e debido á afluencia de turistas que recibe este pobo durante o verán>. O concelleiro nacionalista lembra que "hai uns días que recibimos a autorización correspondente da Xunta para poder actuar na Rede Natura, ainda que había seis meses que a tiñamos pedida".
No caso de Rinlo un dos aparcadoiros crearáse de xeito inmediato "xa que se trata dunha masa común", explica Horacio Cupeiro que engade que "nas Catedrais temos a oferta dun veciño enriba da mesa que nos propón un terreo de 4.000 metros cadrados. Imos contactar con él para ver si é posible chegar a un acordo. Antes tivemos outra oferta que nos pedía moitos cartos e tixemos que desbotala porque nós temos que velar polos intereses do Concello". Horacio Cupeiro considera tamén que nas Illas se creará en breve unha zona de aparcamento para acoller a medio cento de coches. Será nunha masa común, namentras que na praia dos Castros "ademáis dos aparcadoiros que xa hai temos a varios veciños dispostos a cedernos algún prado de xeito gratuito".
O Concello de Ribadeo agarda deste xeito solventar os problemas de tráfico que se presentan nestes puntos durante o verán, debido aos centos e nalgúns casos coma o das Catedraias, aos miles de visitantes que se achegan a esta zona.